Ukrainski saŭndpradziusar Uładzisłaŭ Jarun, viadomy pa pracy z hurtami «Okiean Jelzi», «Tik», «Lapis Trubiacki», zrabiŭ svoj vybar siarod finalistaŭ konkursu «Zaśpiavaj.BY».
Śpis finalistaŭ konkursu dla maładych biełaruskich muzykaŭ (da 25 hod), jaki ładzić partał tuzin.fm i fond «Viartańnie» pry padtrymcy biełaruskaha partała tut.by, vyznačyła žury. U šort-list patrapili kampazicyi Vitala Varanko, Lizaviety Leŭčyk i repiera SP Kava. Pavodle tvorčaha zadańnia konkursu, udzielniki musili pakłaści na muzyku vierš biełaruskaha sučasnaha paeta.
«Usie pieśni finalistaŭ raznapłanavyja, pry hetym adnačasova ŭsie cikavyja, — adznačaje Jarun. — Ja chacieŭ by, kab u majoj pracy nad pieśniaj pieramožcy byŭ sens, kab ja daŭ rady zrabić jaje jašče bolš pryhožaj. U hetym i jość zadača saŭnpradziusara — udaskanalić kłasny tvor. Mnie pryjšlisia da spadoby ŭsie try pieśni, duža piekna vyjšła ŭ kožnaha, chaču abaviazkova heta padkreślić. Čysta prafiesijna i da dušy mnie najbližej z usich kampazicyja ŭ vykanańni Vitala Varanko».
