Viadomy rasijski i biełaruski śpiecyjalist Anatol Bajdačny śpiecyjalna dla «Priessboła» padzialiŭsia ŭražańniami ad čempijanatu śvietu-2014. Siarod inšaha trenier zakranuŭ temu paŭfinału pamiž zbornymi Brazilii i Hiermanii.
«Niemcy zhulali, jak niemcy. Rozum pieramoh emocyi. Choć my pamiatajem, jak u 1/8 finału jany ź ciažkaściu pieraadoleli supraciŭ zbornaj Ałžyra. Afrykancy tady vystupili lepš, čym ciapier brazilcy — bolš arhanizavana, hramatna. U «bundestym» ža vielmi roŭny skład, u jakim nichto asabliva nie vyłučajecca. Usie futbalisty vysokaha ŭzroŭniu, dziejničajuć racyjanalna, pradumana. Trenieru pracavać z takoj kamandaj adno zadavalnieńnie.
Tym nie mienš ja padtrymlivaŭ «sielesao». Da niemcaŭ drenna staŭlusia ź dziacinstva. Bo jany palili, taptali našu krainu. U majho baćki ŭ siamji zahinuli trynaccać čałaviek, u tym liku dzieci. Tamu ŭ mianie pra Hiermaniju takoje mierkavańnie. Naša pakaleńnie tak vychavana. Zdarycca što zaŭtra — budzie toje ž samaje…»
