Dola vakansij, raźmieščanych u Minsku u trecim kvartale 2014 hoda, skłała 73% ad ahulnaj kolkaści vakansij na ajčynnym rynku pracy. Adnak stalica pastupova hublaje dolu raźmieščanych vakansij adnosna rehijonaŭ: za hod dola vakansij, raźmieščanych u Minsku, pamienšyłasia z 77% da 73%.
U susiednich stalicach, Kijevie i Maskvie, dola pracoŭnych vakansij adnosna rehijonaŭ vyhladaje nie tak pahroźliva: 43% i 27% adpaviedna.
U Biełarusi taksama nazirajecca rost kankurencyi siarod suiskalnikaŭ: za minuły hod kolkaść reziume vyrasła na 47%. Siońnia na adnu vakansiju prypadaje 4,2 suiskalnika, tady jak hod tamu ich było tolki 2,5.
Uzrovień ajčynnaj kankurencyi adstaje ad kazachskaha i ŭkrainskaha, dzie na adnu vakansiju pretendujuć 5 čałaviek, ale pieraŭzychodzić rasijski, dzie da treciaha kvartału kolkaść suiskalnikaŭ apuściłasia da 2,5.
Samyja zapatrabavanyja ŭ krainie – śpiecyjalisty ŭ śfiery prodažaŭ i infarmacyjnych technałohij. Dola hetych abłaściej za minuły hod uzrasła. Davoli niebłahija pierśpiektyvy čakajuć zaniatych u restarannym i hatelnym biznesie, łahistycy, pracoŭny piersanał, budaŭnikoŭ.
