U Minsku 1 listapada prachodzić XXXV źjezd Sajuza kamunistyčnych partyj — KPSS.
Adkryvajučy mierapryjemstva, lidar KPRF Hienadź Ziuhanaŭ padkreśliŭ, što praviadzieńnie źjezda siońnia asabliva aktualnaje. «U pavietry znoŭ zapachła vajnoj, jakuju raźviazvaje amierykanski impieryjalizm», — skazaŭ jon.
Alaksandr Łukašenka nakiravaŭ pravitańnie delehatam i haściam XXXV źjezda Sajuza kamunistyčnych partyj. «Siońnia vašy partyi pa-raniejšamu adstojvajuć ideju sacyjalistyčnaha raźvićcia, abaraniajuć pravy i intaresy prostaha čałavieka, — adznačyŭ Łukašenka. — Upeŭnieny, što vašy namahańni buduć i nadalej nakiravany na baraćbu za spraviadlivaść i roŭnaść mahčymaściej, mirnaje žyćcio, prava nacyj na samavyznačeńnie».
Ziuhanaŭ napiaredadni zajaviŭ žurnalistam, što ŭ Biełarusi «jość čamu pavučycca, jość čamu zajzdrościć, jość što pierajmać». «Ja nie prosta siabruju z prezidentam Alaksandram Ryhoravičam Łukašenkam, ale i aktyŭna padtrymlivaju jaho prahramu, źviazanuju sa spałučeńniem razumnaha, valavoha dziaržaŭnaha kiravańnia z mahčymaściami rehulavanaha rynku, z praciaham lepšych tradycyj savieckaj epochi. U hetym dačynieńni Biełaruś źjaŭlajecca dla mianie prykładam», — padkreśliŭ lidar KPRF.
U źjeździe ŭdzielničaje kala 100 delehataŭ z paŭtara dziasiatka kamunistyčnych partyj postsavieckich krain. Minsk nie vypadkova vybrany miescam praviadzieńnia jubilejnaha źjezda: mienavita tut adbyŭsia pieršy źjezd RSDRP (Rasijskaja sacyjał-demakratyčnaja rabočaja partyja).
U 2011 hodzie adbyŭsia plenum savieta SKP-KPSS u Daniecku (Ukraina). U 2012-m u Kałonnaj zale Doma sajuzaŭ u Maskvie śviatkavałasia 90-hodździe stvareńnia SSSR. Sioleta SKP-KPSS udzielničaŭ u 15-j mižnarodnaj sustrečy kamunistyčnych i rabočych partyj u Lisabonie (Partuhalija), dzie prysutničali pradstaŭniki 75 partyj z 63 krain.