Rasijskamu akcioru Michaiłu Parečankavu padčas śpiektakla kinuli pistalet. Pra heta ŭ sieradu, 5 listapada, paviedamlajuć Grani.ru.
4 listapada na premjery śpiektakla «Tramvaj «Žadańnie»» u MCHT imia Čechava ŭ Maskvie aktyvistka Kaciaryna Maldon kinuła akcioru samarobnuju miedal «Za Łuhadon», kali akciory vyjšli na pakłon. Paśla hetaha jana z krykami «Na, Miša, ty ž lubiš va ŭkraincaŭ stralać! Zastrel mianie!» kinuła ŭ Parečankava cacačny pistalet. Maldon nie zatrymali.
30 kastryčnika Michaił Parečankaŭ naviedaŭ pazicyi sieparatystaŭ u aeraporcie Daniecka. Tam jon pahutaryŭ z bajcami samaabvieščanaj «DNR» i zrabiŭ niekalki strełaŭ z kulamiota. Padčas naviedvańnia aeraporta na akciory była kaska z nadpisam «Presa». Jak paźniej patłumačyŭ akcior, heta abmundziravańnie jamu vydali sieparatysty.
