Vałavaja vytvorčaść sielhaspradukcyi ŭ Biełarusi za 10 miesiacaŭ hetaha hoda pavialičyłasia na 1,8% u dačynieńni da studzienia—kastryčnika 2013 hoda. Pra heta paviedamiŭ namieśnik ministra sielskaj haspadarki i charčavańnia Vasil Siedzin.
Što da pradukcyi raślinavodstva, to, zaznačyŭ jon, sioleta atrymany najvyšejšy ŭradžaj za ŭsie minułyja hady.
«My atrymali 10 młn. 260 tys. ton. Heta bolš za adnu tonu na čałavieka. Takoha vysokaha vyniku ŭ nas nikoli nie było»,
— skazaŭ Siedzin, dadaŭšy, što heta dazvolić zabiaśpiečyć Biełaruś charčavańniem i furažnymi resursami ŭ poŭnym abjomie.
Aprača taho, pa vynikach 10 miesiacaŭ hetaha hoda vałavaja vytvorčaść małaka pavialičyłasia na 1,8% u paraŭnańni sa studzieniem—kastryčnikam 2013 hoda.
«Kryšku mienš my atrymali vychad miasa. Z-za afrykanskaj čumy śviniej my źnizili pahałoŭje na 18%. Heta adbiłasia na vytvorčaści miasnoj pradukcyi»,
— zaznačyŭ Siedzin. Da ŭspyški AČS u Biełarusi naličvałasia 3,304 młn. śviniej. U nastupnym hodzie Minsielhascharč płanuje adnavić pahałoŭje, jakoje było da AČS. Dla hetaha ŭ Biełarusi budujucca niekalki sučasnych śvinakompleksaŭ.
Miž tym, pavodle słoŭ Siedzina, pahałoŭje karoŭ za 10 miesiacaŭ pavialičyłasia bolš čym na 2% da letašniaha ŭzroŭniu i skłała 1 młn. 380 tys. hałoŭ.
