U fabryki vialiki vopyt vytvorčaści korpusnaj mebli dla doma i haścinic. Fota virtualbrest.by.
Ułaśnik Bresckaj meblevaj fabryki — AAT «Ivacevičdreŭ» — 5 vieraśnia 2014 na schodzie akcyjanieraŭ pryniaŭ rašeńnie ab likvidacyi niekali adnaho z horadaŭtvaralnych pradpryjemstvaŭ horada. Ciapier usie paŭnamoctvy pierajšli da likvidatara — bresckaha TAA «Centr pravavych pasłuh».
Na praciahu apošnich čatyroch hadoŭ fabryka mieła chraničnyja straty. Daŭhi pradpryjemstva skłali kala 20 młrd rubloŭ.
Praliki markietynhu i adsutnaść abarotnych srodkaŭ — asnoŭnyja pryčyny zakryćcia, paviedamlaje «Viačerni Brest».
Na starym i znošanym abstalavańni vyrablali nikomu nie patrebnuju pradukcyju, što ŭ asnoŭnaj častcy zastavałasia na składach.
Usie 86 rabotnikaŭ fabryki, jakija i tak znachodzilisia ŭ vymušanych adpačynkach, atrymajuć trochmiesiačnuju vychadnuju dapamohu.
