Alaksandr Łukašenka daručyŭ strymlivać rost cenaŭ u Minsku pierad navahodnimi śviatami. Takuju zadaču jon pastaviŭ siońnia, prymajučy z dakładam staršyniu Minharvykankama Andreja Šorca.
«My napiaredadni śviataŭ, samych lubimych u ludziej, — Novaha hoda i Kaladaŭ. Čałaviek choča hodna ich sustreć. Vy vydatna razumiejecie, choć Minsk bahaciejšy za inšyja rehijony krainy, ale ludzi tut roznyja — bahatyja, siarednija i biednyja. Treba nie zabyvać, što Novy hod — heta pierš za ŭsio stoł, zastolle, i ludzi zasłužyli, pražyŭšy i adpracavaŭšy hety ciažki hod, kab ceny ŭ kramach byli narmalnyja. Hałoŭnaje, kab jany nie padskočyli ŭ hety pieryjad», — adznačyŭ kiraŭnik dziaržavy.
Pry hetym Alaksandr Łukašenka skazaŭ: «Nie tolki ŭ Rasii, jak my heta zaŭvažyli, chočuć ruki nahreć, ale i ŭ nas działki takija jość, chaj ich niašmat, ale ni ŭ jakim razie nielha dać padstavu, kab jany pracavali na ŭzdym cenaŭ».
Łukašenka źviarnuŭ uvahu mera horada na toje, što ceny i paradak u Minsku źjaŭlajucca jaho zonaj adkaznaści, niahledziačy na toje, što Minhandlu ŭpaŭnavažany ažyćciaŭlać kantrol nad cenaŭtvareńniem. «Tamu padrychtujcie Minsk da hetych śviataŭ, stvarycie ŭ ludziej nastroj, — zapatrabavaŭ kiraŭnik dziaržavy. -
— Ale samaje hałoŭnaje — heta dzieci, kab dzieci nie adčuvali siabie druharadnymi».
«Minsk — heta prykład ŭsioj krainie, źviarnicie na heta samuju surjoznuju ŭvahu», - padkreśliŭ biełaruski lidar.
Andrej Šorac u svaju čarhu paviedamiŭ, što na kalehii ŭpraŭleńnia handlu Minharvykankama, na jakoj byli pradstaŭniki jak dziaržaŭnaj, tak i pryvatnaj handlu, była pastaŭlena zadača pa strymlivańni rostu cen i nasyčeńniu asartymientu handlovaj sietki z tym, kab nie dapuścić u budučyni pavieličeńnia cenaŭ.
