Volvo prezientavała novuju stratehiju, zhodna ź jakoj ni adzin aŭtamabilist nie zahinie i nie budzie surjozna paranieny ŭ mašynie Volvo. Na pačatku śniežnia šviedski vytvorca zaprasiŭ u Hioteborh na svaje zavody haściej z usiaho śvietu, kab prezientavać i paćvierdzić svaju ideju.
Madel XC90 padsumoŭvaje mahčymaść Volvo vyrablać transpartnyja srodki sa šmatlikimi i inavacyjnymi srodkami biaśpieki.
Najbolšuju značnaść maje sistema «prahnoz sutyknieńnia», jakaja analizuje ŭ radyusie 150 mietraŭ usie abjekty, jakija akazvajucca pierad vašaj mašynaj. Kali isnuje ryzyka sutyknieńnia z ruchomym abjektam, mašyna vas papiaredžvaje, i, kali nieabchodna, aŭtamatyčna tarmozić.
Rehulatar chutkaści i adlehłaści karysny ŭ zatorach, bo vymiaraje adlehłaść pamiž vašaj mašynaj i papiaredniaj, kab praduchilić niaščasny vypadak. Jašče adnym elemientam biaśpieki źjaŭlajecca sistema abarony piešachodaŭ, jakaja vyjaŭlaje ich prysutnaść vakoł aŭtamabila; navat kali kiroŭca nie bačyć ludziej, mašyna zatarmozić samastojna.
Kraš-test, arhanizavany Volvo 5 śniežnia, mieŭ na mecie vyjavić viertykalnyja siły, jakija ŭźnikajuć padčas adryvu i pryziamleńnia aŭtamabila pry DTZ, vynikam čaho mohuć być surjoznyja traŭmy chrybta, navat sa śmiarotnym zychodam. Kraš-test paćvierdziŭ, što ŭ vypadku ŭdaru siadzieńni prasiadajuć na niekalki santymietraŭ, kab pahłynuć enierhiju.
Volvo maje reputacyju vytvorcy, jaki vyrablaje najbolš «biaśpiečnyja» aŭtamabili, jakija abstaloŭvajucca inavacyjnymi pryładami. Tolki Volvo na siońniašni dzień ustaloŭvaje na niekatoryja madeli aŭtamabilaŭ padušku biaśpieki dla piešachodaŭ.
