Ab hetym paviedamiła načalnik hałoŭnaha ŭpraŭleńnia piensijnaha zabieśpiačeńnia Ministerstva pracy i sacyjalnaj abarony Natalla Muraškievič, kamientujučy ŭkaz «Ab udaskanaleńni piensijnaha zabieśpiačeńnia».
Ukazam numar 570 praduhledžvajecca kompleks mier, nakiravanych na pavyšeńnie pamieraŭ piensij pry praciahłym stažy raboty. «Realizacyja hetych mier daść mahčymaść, z adnaho boku, uzmacnić matyvacyju rabotnikaŭ da praciahłaj i lehalnaj pracoŭnaj dziejnaści, ź inšaha — abmiažuje ŭtrymanskija pamknieńni», — adznačyła pradstaŭnik ministerstva.
Z 1 studzienia 2015 hoda dla ludziej, jakija ŭžo dasiahnuli ahulnaŭstanoŭlenaha piensijnaha ŭzrostu, praduhledžvajecca pavyšeńnie piensij, vyličanych pry stažy raboty bolš za 35 hadoŭ u mužčyn i bolš za 30 hadoŭ u žančyn ź nievysokim zarabotkam. Zhodna z Zakonam Respubliki Biełaruś «Ab piensijnym zabieśpiačeńni» pavieličeńnie piensii za kožny poŭny hod stažu raboty zvyš 25/20 hadoŭ składaje 1 pracent zarabotku, pryniataha dla vyličeńnia piensij, ale nie moža być mienš za 1 pracent minimalnaj piensii pa ŭzroście (ciapier heta Br14 tys. 741, a minimalnaja piensija pry 45-hadovym stažy ŭ mužčyn i 40-hadovym u žančyn składaje Br1 młn 768 tys. 880). Z 1 studzienia 2015 hoda dla piensijanieraŭ, jakija dasiahnuli ahulnaŭstanoŭlenaha piensijnaha ŭzrostu, minimalny pamier pavieličeńnia za kožny poŭny hod stažu raboty zvyš 35/30 hadoŭ (h. zn. za 36-y/31-y i nastupnyja hady stažu) składzie nie mienš jak 0,7 pracenta siaredniaj zarpłaty rabotnikaŭ u respublicy, što prymianiajecca dla karekciroŭki faktyčnaha zarabotku piensijaniera, - heta Br39 tys. 377. U tych piensijanieraŭ, jakim piensii vyličvajucca z ulikam stažu raboty 45/40 hadoŭ, novy minimum budzie prymianiacca pačynajučy adpaviedna z 26-ha i 21-ha hoda stažu. Minimalny pamier piensii pry takim praciahłym stažy raboty pavialičycca da Br2 młn 261 tys. 610.
«Naprykład, žančynie piensija vyličana z ulikam stažu raboty 32 hady. Pamier jaje piensii składaje 55 pracentaŭ zarabotku, pryniataha dla vyličeńnia piensii za 20 hadoŭ, i pa 1 pracencie hetaha zarabotku za kožny hod raboty zvyš 20 hadoŭ. Pry hetym minimalnaja cana kožnaha poŭnaha hoda stažu zvyš 20 hadoŭ nie moža być mienšaja za 1 pracent minimalnaj piensii pa ŭzroście. U śniežni biahučaha hoda heta składaje Br14 tys. 741, a za 12 hadoŭ — nie mienš jak Br176 tys. 892. Z 1 studzienia 2015 hoda za 31-y i 32-i hod stažu minimalnaja cana pavialičvajecca da Br39 tys. 377. Dadatkovaje pavieličeńnie za hetyja dva hady składzie amal Br50 tys. Kali ŭ žančyny jość 40 hadoŭ stažu, to novy minimum prymianiajecca pačynajučy z 21 hoda stažu», — rastłumačyła Natalla Muraškievič.
Ukazam praduhledžvajecca vyličeńnie sa studzienia 2015 hoda pracoŭnaj piensii z adkarekciravanaha faktyčnaha zarabotku za apošni 21 hod zapar stažu raboty, ale nie bolš čym za faktyčna isnujučy staž raboty. Pačynajučy z 1 studzienia 2016 hoda hety pieryjad budzie pavialičvacca štohod na adzin hod da faktyčna isnujučaha ŭ piensijaniera stažu raboty. Heta daść mahčymaść pastupova pierajści da vyličeńnia piensii z zarabotku za ŭvieś pieryjad pracoŭnaj i inšaj hramadska karysnaj dziejnaści, uklučanaj u staž. Pryčym z abaviazkovym prymianieńniem danych ab zarabotnaj płacie, zafiksavanych u sistemie piersanifikavanaha ŭliku płacielščykaŭ abaviazkovych strachavych uznosaŭ.
U metach finansavaha zabieśpiačeńnia navacyj sa studzienia 2015 hoda hraničnaja vieličynia zarabotku dla vypłaty abaviazkovych strachavych uznosaŭ u biudžet dziaržaŭnaha pazabiudžetnaha fondu sacyjalnaj abarony nasielnictva pavialičvajecca z 4-ch da 5-kratnaj vieličyni siaredniaj zarabotnaj płaty rabotnikaŭ u respublicy za miesiac, što papiaredničaje miesiacu, za jaki vypłačvajucca abaviazkovyja strachavyja ŭznosy.
Taksama z 1 studzienia 2015 hoda pavialičvajecca z 10 da 15 hadoŭ minimalny staž raboty z vypłataj abaviazkovych strachavych uznosaŭ, nieabchodny dla naznačeńnia pracoŭnaj piensii pa ŭzroście abo za vysłuhu hadoŭ. Heta patrabavańnie nie raspaŭsiudžvajecca na sacyjalna słabaabaronienyja katehoryi, jakim piensii pa ŭzroście naznačajucca na lhotnych umovach u adpaviednaści z artykułami 17-22 Zakona Respubliki Biełaruś «Ab piensijnym zabieśpiačeńni». Heta baćki dziaciej-invalidaŭ i invalidaŭ ź dziacinstva, šmatdzietnyja maci, invalidy ź dziacinstva i niekatoryja inšyja katehoryi, dla jakich farmiravańnie praciahłaha stažu abjektyŭna ŭskładniena. Dla ich zachoŭvajecca ŭmova ab najaŭnaści 5-hadovaha strachavoha stažu.
Tym, chto nie maje minimalnaha 15-hadovaha (abo ŭstanoŭlenaha dla asobnych katehoryj 5-hadovaha) stažu raboty z vypłataj abaviazkovych strachavych uznosaŭ, sacyjalnaja piensija budzie naznačacca na 5 hadoŭ paźniej: mužčynam pa dasiahnieńni ŭzrostu 65 hadoŭ, žančynam - 60 hadoŭ. Hetyja źmianieńni taksama nie zakranajuć sacyjalna słabaabaronienyja katehoryi (dziaciej-invalidaŭ, invalidaŭ, u tym liku ź invalidaŭ ź dziacinstva, dziaciej u vypadku straty karmiciela).
Pavodle acenki, sa studzienia 2015 hoda piensii pavialičacca prykładna ŭ 670 tys. piensijanieraŭ.
Z 1 studzienia 2016 hoda ŭkazam praduhledžvajecca pavyšeńnie piensij ludziam, jakija dasiahnuli ahulnaŭstanoŭlenaha piensijnaha ŭzrostu, sa stažam raboty bolš za 40 hadoŭ u mužčyn i 35 hadoŭ u žančyn. Heta adbudziecca za košt bolš vysokaha koštu kožnaha poŭnaha hoda stažu raboty zvyš 40/35 hadoŭ. Košt 41-ha/36-ha hoda stažu raboty składzie 1,1 pracenta zarabotnaj płaty, pryniataj dla vyličeńnia piensii (ale nie mienš jak 1,1 pracenta ad 0,7 siaredniaj zarabotnaj płaty dla vyličeńnia piensii), 42-ha/37-ha — 1,2 pracenta, 43-ha/38-ha — 1,3 pracenta, 44-ha/39-ha — 1,4 pracenta, za 45-y/40-y hod — 1,5 pracenta zarabotnaj płaty, pryniataj dla vyličeńnia piensii (ale nie mienš jak 1,5 pracenta ad 0,7 siaredniaj zarabotnaj płaty dla vyličeńnia piensii).
Akramia taho, z 1 studzienia 2016 hoda asobam sa stažam raboty 36 hadoŭ u mužčyn i 31 hod u žančyn pry vyličeńni pracoŭnaj piensii budzie ŭličvacca zarabotak u pamiery da 5-kratnaj siaredniaj zarabotnaj płaty rabotnikaŭ u respublicy. Ciapier maksimalny kaeficyjent uličvajemaha zarabotku — 4,0.
