U finskich turmach na siońniašni dzień naličvajecca 482 zamiežniki, ź ich 45 rasijanaŭ.
Rusłan Kiŭkanien, jaki adbyvaje pakarańnie, nie choča siadzieć skłaŭšy ruki. Pracy, adnak, dla jaho niama, dy i kursaŭ taksama, piša yle.fi.
«Stalarnyja kursy pa drevie, u stałovaj pracavać, praca pa mietale. U pryncypie, usio, što tut jość, ja ŭsiudy sprabavaŭ prabicca, ale heta było bieznadziejna», — kaža Rusłan.
Usie źniavolenyja, niezaležna ad hramadzianstva, majuć u Finlandyi roŭnyja pravy, adnak na praktycy, pa nazirańniach Rusłana, zamiežniku ŭ turmie atrymać pracu i patrapić na kursy značna składaniej, čym karennamu žycharu. Rusłan napisaŭ bolš za 20 zajaŭ… i ŭsio marna. Na dumku Rusłana, heta dyskryminacyja na hlebie rasizmu.
Rusłan miarkuje, što jon padviarhajecca maralnaj dyskryminacyi. Ale na pytańnie, ci źviedvaje jon fizičny hvałt, adkazvaje admoŭna.
«U bytavym płanie tut usio ŭ paradku. Asobnaja kamiera. Televizar. Śniadanak, abied, viačera. Try razy na tydzień trenažornaja zała».
