Žychary ŭkrainskaha Kryvoha Roha stamilisia ad niačyščanych daroh i chodnikaŭ. Kab vykazać svajo abureńnie i pravučyć miascovyja ŭłady, 4 studzienia jany sabrali ŭ horadzie śnieh i advieźli jaho da doma mera Juryja Viłkuła.
U akcyi ŭdzielničali aktyvisty «Aŭtamajdanu»,»Svabody», «39-j Žanočaj sotni», «Kryvy Roh suprać režymu i dyktatury» i «Pravaha siektara», jany samastojna prybrali śniežnyja hurby z prypynkaŭ hramadskaha transpartu i pasypali piaskom darožki vakoł. Jany nabrali bolš za 5 ton śniehu z prypynkaŭ na vulicy Siamaška i płoščy Vyzvaleńnia. Paśla hetaha, vyrašyli pakazać, jak pracujuć 140 adzinak techniki, pra jakija raniej paviedamlaŭ mer Kryvoha Roha Juryj Viłkuł. Dla hetaha nakiravalisia da zaharadnaha domaharadskoha hałavy, jaki znachodzicca ŭ vioscy Čkałaŭka.
U Čkałaŭcy sabrany śnieh vysypali z hruzavikoŭ pad płot asabniaka.
Ludzi zajaŭlajuć: padobnyja akcyi buduć paŭtaracca, kali situacyja ŭ horadzie nie źmienicca. Ich aburaje, što ŭ tym samym siale darohi dobra pačyščany, a ŭ centry - nie, pryčym heta adbyvajecca rehularna.
Jak u kancy śniežnia Kryvy Roh zasypała śnieham, tam paŭstali kałasalnyja prablemy z kamunikacyjaj. Pierastaŭ chadzić elektratranspart — kalainu nie było navat vidać z-pad śniehu, try vahony zatrymalisia ŭ hurbie. A kiraŭnik horada zajaviŭ: na darohach pracavała 140-150 adzinak śpiectechniki.
