Minhandlu zakryła 20 kram na aŭtazapravačnych stancyjach ZTAA «Łukojł Biełaruś», paviedamili BiełTA ŭ pres-słužbie Ministerstva handlu.
Pa vynikach pravierak kramaŭ, raźmieščanych na aŭtazapravačnych stancyjach ZTAA «Łukojł Biełaruś», praviedzienych u studzieni 2015 hoda, Ministerstvam handlu z 21 studzienia prypyniajecca dziejnaść 20 abjektaŭ handlu va ŭsich rehijonach krainy za hrubyja parušeńni zakanadaŭstva.
Tak, realizacyja praterminavanych tavaraŭ ažyćciaŭlałasia ŭ 16 z 25 pravieranych kram, nie vykonvalisia asartymientnyja pieraliki tavaraŭ (pa asobnych kramach u Minsku da 48,9%), pakupnikam davałasia niapoŭnaja abo niepraŭdzivaja infarmacyja ab tavary, u tym liku ab terminach prydatnaści. Akramia taho, ustanoŭleny fakt pieravyšeńnia roźničnych cen na antyfryz, jaki karystajecca popytam u aŭtaamataraŭ, u paraŭnańni z cenami, jakija dziejničali na 18 śniežnia 2014 hoda. Na naviadzieńnie paradku Minhandlem adviedziena siem dzion.
