Rasijskaja artyleryja viadzie bieśpierapynny ahoń pa žyłych kvartałach Debalcava Danieckaj vobłaści.
Pra heta havorycca ŭ zajavie pres-słužby RNBA.
Pavodle zajavy, rasiejska-terarystyčnyja vojski, nie majučy mahčymaści prarvać abaronu ŭkrainskich vajskoŭcaŭ, druhija sutki zapar viaduć artyleryjski ahoń pa žyłych kvartałach Debalcava z vykarystańniem ciažkaj haŭbičnaj artyleryi i sistem załpavaha ahniu.
Spadarožniki nazirańnia fiksujuć čornuju dymavuju chmaru, jakaja zakryvaje ŭvieś horad. Navat zdymki z kosmasu fiksujuć maštabnaść złačynstvaŭ suprać čałaviečnaści rasijskich vajskoŭcaŭ i padkantrolnych im terarystyčnych hrupovak.
«Niahledziačy na Minskija damoŭlenaści, jany sprabujuć zraŭniać ź ziamloj Debalcava, viedajučy toje, što ŭ horadzie zastałosia šmat mirnych žycharoŭ. Bolš za toje, pradstaŭnik terarystyčnaj arhanizacyi «DNR» Alaksandr Zacharčanka zajaŭlaje ab niepryznańni Minskich damoŭlenaściej i praciahu bajavych dziejańniaŭ, u pryvatnaści, ab płanach pa viadzieńni ahniu pa Debalcavie, što źjaŭlajecca jašče adnym dokazam nieprychavanych sprob RF i padkantrolnych joj terarystaŭ sarvać damoŭlenaści adnosna spynieńnia ahniu i mirnaha šlachu prypyńnieńnia ahresii», — havorycca ŭ zajavie.
