Jak paviedamiła Rockstar Games hulni, GTA V dla PK źjavicca ŭ prodažy na fizičnych nośbitach i internet-mahazinach 14 krasavika. Raniej vychad byŭ zapłanavany na 24 sakavika.
Kampanija śćviardžaje, što joj spatrebicca dadatkovy čas na «paliroŭku» kampjutarnaj viersii.
Raspracoŭščyk choča pierakanacca, što hulcy atrymajuć pryjemny dośvied jak ad hulni afłajn, tak i ad režymu GTA Online i kaapieratyŭnych misij «Rabavańni» (apošnija buduć zapuščanyja na kansolach 10 sakavika).
U jakaści kampiensacyi tym, chto ździejśniŭ papiaredniuju zamovu, kampanija padoryć 200 tysiač virtualnych dalaraŭ u GTA Online.
Novyja skrynšoty GTA V u režymie «Rabavańni»:
***
Niahledziačy na toje, što GTA 5 nie vychodziła dla piersanalnych kampjutaraŭ, hulnia staviła rekord za rekordam pa prodažach. Za pieršy dzień prodažy dasiahnuli 800 miljonaŭ dalaraŭ, a na maj 2014 hoda skłali amal 2 miljardy dalaraŭ.
Vierahodna, na siońniašni dzień prodažy GTA 5, z ulikam zapusku na novych płatformach, pieravysili kasavyja zbory filma «Tytanik» (2,187 młrd dalaraŭ) i mahčyma navat nablizilisia da zboraŭ samaha kasavaha filma za historyju — «Avatara» (2,787 młrd dalaraŭ).
U GTA 5 hulec volny daśledvać adkryty śviet płoščaj ź Viciebsk ci Homiel. Pryniać pryjdziecca pa čarzie try altar-eha: byłoha rabaŭnika bankaŭ, a ciapier niaŭdałaha siemjanina Majkła, čarnaskuraha hanhstara Franklina i lotčyka-varjata Trevara. Troica abjadnajecca, kab spłanavać i ździejśnić novyja hrandyjoznyja złačynstvy.
