Za ŭčynieńnie chulihanskich dziejańniaŭ Kastryčnicki RAUS Hrodna šukaje mužčynu 25-35 hadoŭ, jaki 22 lutaha prademanstravaŭ intymnuju častku cieła 12-hadovaj školnicy. Pra heta paviedamlaje UUS Hrodzienskaha abłvykankama.
Incydent adbyŭsia ŭ rajonie prypynku «Rumloŭski park» u aŭtobusie № 16, jaki ruchaŭsia ŭ bok praśpiekta Klackova.
Padobny da hetaha vypadak adbyŭsia ŭ Hrodnie 25 lutaha kala 8 hadzin ranicy na vulicy Puškina, dzie nieviadomy mužčyna, jakomu na vyhlad 40 hadoŭ, taksama pakazvaŭ svaju intymnuju častku cieła 13-hadovaj školnicy. Adzieńnie padazronaha mieła nieachajny vyhlad.
Usich, kamu štości viadoma pra hetyja złačynstvy, milicyja prosić paviedamić pra heta.
Taksama va UUS paviedamlajuć, što milicyja ŭstanaŭlivaje asobu nieviadomaha, jaki 14 lutaha prykładna ŭ 00.20 kala doma № 37 pa vulicy Repina ŭ Hrodnie z prymianieńniem fizičnaj siły sprabavaŭ učynić nasilnyja dziejańni sieksualnaha charaktaru ŭ dačynieńni da miascovaj žycharki 1991 hoda naradžeńnia. Adnak dziaŭčyna akazała aktyŭnaje supraciŭleńnie napadaŭšamu i zmahła ŭciačy.
