Siońniašniamu premjeru Estonii Taavi Ryjvasu — 35 hadoŭ, delfi.ee.
Vybarčyja ŭčastki zakrylisia a 21-j. Kančatkovyja vyniki stanuć viadomyja apoŭnačy. U parłamiencie — 101 miesca.
U Estonii 547 vybarčych učastkaŭ. Estonskija ŚMI paviedamlajuć, što jaŭka skłała 63%, najlepiej hałasavali na vostravie Chiumaa.
Trojka lidaraŭ vyhladaje tak: 1 miesca — prava-libieralnaja Refarmisckaja partyja (28% hałasoŭ i 30 miescaŭ u parłamiencie), 2 miesca - pamiarkoŭna-prarasijskaja Centrysckaja partyja (25% hałasoŭ i 27 miescaŭ), 3 miesca — Sacyjał-demakraty (15 miescaŭ).
Akramia taho, u parłamient prachodziać nacyjanalistyčny Sajuz Ajčyny (14 miescaŭ), Svabodnaja partyja (8) i kansiervatary (7)..
Imavierna, urad iznoŭ utvorać pravalibierały razam z kansiervatarami i nacyjanalistami.
Pavodle statystyki, u Estonii pražyvaje kala 25% ruskamoŭnych, ale ŭ pamiežnaj z Rasijaj akruzie Ida-Virumaa (harady Narva, Kotchła-Jarve) ich kolkaść składaje 80%. Praŭda, nie ŭsie jany majuć prava hołasu.
U Idu-Virumaa Centrysty nabrali 59% hałasoŭ. Refarmisty razam z kansiervatarami, sacyjał-demakratami i nacyjanalistami — 35%. Tamu heta daloka nie Danbas.
Minułyja vybary, u 2011 h. vyjhrała Partyja reformaŭ, aatrymaŭšy 28,6% hałasoŭ, ci 33 miescy ŭ parłamiencie, a lidar partyi Taavi Ryjvas u sakaviku 2014 h. staŭ premjeram. Jamu 35 hadoŭ, i jon staŭ samym maładym premjer-ministram u Jeŭropie.
U Estonii taksama mocna raźvita elektronnaje hałasavańnie, da 1 sakavika tak prahałasavali 20%. Heta pieravažna moładź, a tamu bolšaść elektronnych hałasoŭ pajšli za refarmistaŭ, a na druhim miescy — nie centrysty, a Svabodnaja partyja.
