Na hetych vychadnych uvieś śviet padzialiŭsia na dva łahiery. Ja ŭ «sinia-čornym», a vy?
Karystalnik błohu Tumblr «padarvaŭ» internet, apublikavaŭšy fotazdymak sukienki i zadaŭšy svaim čytačam pytańnie: jakoha jana koleru?
Akazałasia, što adnaznačnaha adkazu na jaho niama. Častka ludziej bačyć jaje sinie-čornaj, a druhaja častka — bieła-załatoj. Uvieś śviet padzialiŭsia na dva łahiery. Jość taksama i apazicyja. Naprykład, Łedzi Haha śćviardžaje, što «sukienka biełaja ź piasočnym».
Amatary Instagram i cheštehaŭ padzialilisia na «biełajeizałatoje» i «siniajezčornym». Chešteh #thedress uznačaliŭ top trendaŭ u Amierycy.
Sacsietki chutka zapałanili fotažaby kštałtu hetaj:
Voś tak vyhladaje hetaja sukienka na staroncy kramy:
bit.ly
Na roznych sajtach razharnulisia hałasavańni. Naprykład, na buzzfeed.com, jakija pieršymi napisali pra hetuju historyju, za biełaje z załatym prahałasavała 72%. 28% — za druhi varyjant.
Dałučylisia da mižnarodnaj sprečki i raspracoŭniki hrafičnaha redaktara Photoshop:
Kampanija Roman Originals, jakaja pradaje hetuju sukienku, paćvierdziła, što jana nasamreč sinie-čornym. Pa słovach pradstaŭnika kampanii, takich vysokich prodažaŭ u ich nikoli nie było. Akramia taho, jany adznačyli, što kampanija dumaje pra toje, kab vypuścić bieła-załatuju viersiju.
Sukienku ŭžo atrymała nazvu «sukienka Šrodynhiera».
Akramia drennaha jakaści zdymka, sprečka tłumačycca jašče i tym, jak my ŭsprymajem śviatło. Naš mozh apracoŭvaje śvietłavyja chvali roznaj daŭžyni, kožnaja ź jakich adpaviadaje asobnym koleram. Jak patłumačyŭ Bevił Konuej, navukoviec, jaki zajmajecca daśledavańniem koleru i zroku, dzionnaje śviatło ŭpłyvaje na toje, jak my ŭsprymajem koler pradmietaŭ, i źmianiaje ich. Tamu pry pohladzie na sukienku naš mozh robić papraŭku na dzionnaje śviatło i «adsiakaje» adzin z koleraŭ — siniavaty abo žaŭtlavy. Z-za indyvidualnaści ŭsprymańnia adnym zdajecca, što sukienka bieła-załataja, a inšym — što jano sinie-čornaje. Akramia taho, padobny efiekt moža tłumačycca jašče i aptyčnaj iluzijaj: na toje, jak my ŭsprymajem koler pradmieta, upłyvajuć fon, na jakim jon raźmieščany, i aśviatleńnie. Zdymak moh być zrobleny pry błakitnym śviatle, u jakim šmat kamu moža zdavacca, što jano biełaje.
