Vitaŭtas Łandśbierhis, Kazimira Prunskienie, Alhirdas Brazaŭskas
Histaryčny vychad z Savieckaha Sajuza śviatočna adznačać i ŭ Sojmie. Paśla hetaha ŭ budynku parłamienta adbudziecca cyrymonija ŭźniaćcia ściahoŭ troch Bałtyjskich krain i pačniecca parad.
Z nahody śviata ŭ Vilenskaj ratušy arhanizujecca dyskusija kruhłaha stała pra ŭroki historyi i vykliki sučasnaści, u joj prymuć udzieł palityki z Bałtyjskich krain, Paŭnočnaj Jeŭropy, Polščy, Ukrainy i ZŠA.
11 sakavika 1990 hoda Viarchoŭny saviet — Adnaŭlenčy sojm pad kiraŭnictvam Vitaŭtasa Łandśbierhisa abviaściŭ Akt ab adnaŭleńni niezaležnaści Litvy, u jakim kazałasia, što adnaŭlajecca skasavanaja ŭ 1940 hodzie źniešniaj siłaj realizacyja suvierennych paŭnamoctvaŭ Litoŭskaj dziaržavy.
Kraina atrymała mižnarodnaje pryznańnie ŭ 1991 hodzie. Pieršaj Litvu pryznała Isłandyja, jaje prezident u hetyja dni znachodzicca ź vizitam u Vilni.
