Abjektyŭnuju, uzvažanuju, kanstruktyŭnuju pazicyju Vatykana adnosna Biełarusi ceniać u krainie.
Ab hetym zajaviŭ siońnia ministr zamiežnych spraŭ Biełarusi Uładzimir Makiej na sustrečy ź Dziaržaŭnym sakratarom Dziaržavy Vatykan kardynałam Pjetra Paralinam.
Pavodle słoŭ Uładzimira Makieja, pryjezd u Biełaruś kardynała śviedčyć ab dalejšym raźvićci supracoŭnictva Dziaržavy Vatykan i Biełarusi. Pamiž Biełaruśsiu i Vatykanam skłalisia asablivyja adnosiny ŭzajemarazumieńnia i davieru. «Vatykan dla nas asablivy partnior u mižnarodnych adnosinach, i padychody Vatykana ŭ vyrašeńni prablem sučasnaha hramadstva blizkija i zrazumiełyja biełaruskamu narodu», - skazaŭ jon.
Ministr adznačyŭ, što pryjezd kardynała - znakavaja padzieja dla Biełarusi, i vykazaŭ nadzieju, što jon budzie sadziejničać aktyvizacyi uzajemaadnosin va ŭsich śfierach žyćcia.
«Vizit u Biełaruś daść mnie mahčymaść lepš paznajomicca z krainaj i jaje narodam», - adznačyŭ u svaju čarhu Dziaržaŭny sakratar Dziaržavy Vatykan kardynał Pjetra Paralin. Jon pieradaŭ orhanam dziaržaŭnaj ułady, narodu, relihijnym abščynam i ŭ pieršuju čarhu katolikam pryvitalnyja słovy Śviatoha Ajca. Kardynał padkreśliŭ, što padychod Śviatoha Prastoła ŭ farmiravańni mižnarodnych adnosin vyznačajecca adkrytaściu. Jon vykazaŭ upeŭnienaść, što ŭzajemaadnosiny Biełarusi i Vatykana buduć aktyŭna raźvivacca.
