Kiraŭnictva samaabvieščanaj «DNR» paćvierdziła, što raspačatyja pastaŭki vuhalu Ukrainie.
Pra heta paviedamlaje «Danieckaje ahienctva navinaŭ» sa spasyłkaj na namieśnika ministra vuhalu i enierhietyki «DNR» Alaksandra Patapienki.
«Učora našy čyhunačniki… pavieźli 5000 ton i atrymali za heta hrošy — 5 miljonaŭ hryŭniaŭ pieradapłaty, siońnia adpravili 29 vahonaŭ druhim tranšam. Da viečara čakajem 10 miljonaŭ hryŭniaŭ pieradapłaty pa hetym tranšy», — raspavioŭ pradstaŭnik DNR.
Raniej, 11 sakavika, ministr enierhietyki Ukrainy Uładzimir Dziamčyšyn paviedamiŭ, što ŭkrainski bok naładžvaje pastaŭki vuhalu z zony kanfliktu «praź liniju Jasinavataja».
«U pryncypie my spadziajemsia, što hety praces budzie praciahvacca», — adznačyŭ jon.
Ab praviadzieńni pieramovaŭ z nahody pastavak vuhalu Ukrainie na dniach raspavioŭ taksama kiraŭnik ŁNR Ihar Płatnicki.