Pra nieabchodnaść stvareńnia valutnaha sajuza JEAES zajaviŭ siońnia žurnalistam staršynia Savieta Respubliki Nacyjanalnaha schodu Biełarusi Michaił Miaśnikovič.
«Valutny sajuz — adna z apošnich faz intehracyi.
My ličym, što taja data, jakaja ŭstanoŭlena dahavoram ab stvareńni JEAES, heta značyć 2024 hod, — heta pozna.
Va ŭmovach, kali niama dastatkovaj stabilnaści na finansavych rynkach, biezumoŭna, my pavinny nabližać hety termin i razhladać pytańni ab adzinaj płaciežnaj sistemie, pavieličeńni doli nacyjanalnych valut va ŭzajemnych raźlikach», — adznačyŭ Michaił Miaśnikovič.
Pavodle jaho słoŭ, pytańni dalejšaj intehracyi ŭ valutnaj i finansavaj śfierach abmiarkoŭvalisia z rasijskim bokam, u pryvatnaści z premjer-ministram Dźmitryjem Miadźviedzievym i staršynioj Savieta Fiederacyi Fiederalnaha schodu Valancinaj Maćvijenka.
«My havaryli ab tym, što treba nablizić terminy intehracyi, kab pieršyja etapy valutnaha sajuza mahli pačać pracavać u bližejšyja try-čatyry hady», - dadaŭ staršynia Savieta Respubliki.
Michaił Miaśnikovič robić siońnia rabočuju pajezdku pa Maładziečanskim rajonie. Jon aznajomiŭsia z rabotaj niekalkich pradpryjemstvaŭ, u tym liku AAT «Bierazinskaje» i pradpryjemstvaŭ chołdynha «Zabudova», naviedaŭ Bierazinski ahrarna-techničny prafiesijny licej. Akramia taho, staršynia Savieta Respubliki pryniaŭ udzieł u sustrečy z deputatami i pradstaŭnikami pracoŭnych kalektyvaŭ u Haradziłaŭskim sielsaviecie.