U Dekrecie prezidenta «Ab papiaredžańni sacyjalnaha ŭtrymanstva», jaki byŭ padpisany 2 krasavika, pryvodzicca poŭny pieralik hramadzian, vyzvalenych ad tak zvanaha padatku na darmajedstva. Nahadajem, novy zbor u pamiery 20 bazavych vieličyń (siońnia heta 3,6 młn rubloŭ) pavinny buduć unieści ŭ kaznu tyja, chto nie płaciŭ padatki naohuł ci płaciŭ ich mienš za 183 dni ŭ hodzie.
Kali kazać praściej, praktyčna luby biełarus, jaki aficyjna nie pracavaŭ šeść miesiacaŭ i adzin dzień, abaviazany budzie vypłacić zbor u kaznu.
Pry hetym adlik terminu pajšoŭ z 1 studzienia 2015 hoda. To bok, kali vy pa niejkich pryčynach sustreli novy hod biez pracy i nie znojdziecie jaje da pačatku lipienia, a taksama nie zmožacie trapić pad vyklučeńni, to čakajcie paviedamleńnia z padatkovaj. Zbor za hety hod treba budzie vypłacić da 15 listapada 2016 hoda.
Jak užo paviedamlałasia, nie buduć płacić padatak asoby piensijonnaha ŭzrostu, tyja, chto znachodziŭsia na balničnym, atrymlivaŭ dapamožnyja hrošy (naprykład, pa dohladzie za dziciem), invalidy i niedziejazdolnyja, a taksama tyja, chto faktyčna nie byŭ u Biełarusi bolš za 183 dni. Atrymlivajecca, što kali vy jedziecie na zarobki ŭ tuju ž Rasiju nielehalna, to svaju adsutnaść u krainie pryjdziecca dakazać, kab nie płacić padatak.
Finance.tut.by raźbiŭ pieralik z prezidenckaha dekreta pa asnoŭnych katehoryjach, kab było bolš zrazumieła, chto ž mienavita ciapier ličycca «darmajedam», a chto — nie.
Moładź i studenty
Kali vam niama 18 hadoŭ, to padatak płacić nie treba. Akramia taho, kali, naprykład, u hetym hodzie vam spoŭniłasia 18 hadoŭ, to spakojna zajmacca pošukami pracy vy možacie da nastupleńnia čarhovaha padatkovaha pieryjadu — z 1 studzienia 2016 hoda. Akramia taho, tymi, chto biare ŭdzieł u finansavańni dziaržaŭnych raschodaŭ buduć ličycca tyja, chto atrymlivaŭ adukacyju na dzionnaj formie navučańnia. Vyklučeńnie składajuć dadatkovyja adukacyi dziaciej, moładzi abo darosłych (tematyčnyja lektoryi, sieminary, praktykumy, treninhi, aficerskija kursy i hetak dalej). To bok, kali hramadzianin vyrašyŭ hod nie pracavać i naviedvać, naprykład, kursy zamiežnaj movy abo krojki i šyćcia, to 20 bazavych jamu pryjdziecca płacić.
Patrapiać na «padatak na darmajedstva» i nidzie nie pracujučyja studenty-zavočniki. Zatoje kali na navučańnie ci pavyšeńnie kvalifikacyi vas adpravić słužba zaniataści, to płacić ničoha nie treba.
Chatnija haspadyni
Takoj katehoryi ŭ śpisie vyzvalenych ad padatku niama. Ad zboru ŭ kaznu vyzvalać tolki niepracujučych šmatdzietnych mam ci tych, chto vychoŭvaje dziaciej va ŭzroście da 7 hadoŭ, a taksama dzicia-invalida va ŭzroście da 18 hadoŭ. Kali ž, naprykład, žonka biznesoŭca nie chodzić na pracu, a zajmajecca tolki domam, ale pry hetym u siamji niama dziaciej abo jany ŭžo pajšli ŭ škołu, to vypłaty ŭ kaznu nie paźbiehnuć.
Fryłansiery
Tych, chto kožny dzień nie chodzić na pracu ŭ ofis abo na zavod, aŭtamatyčna ŭ darmajedy nia zapišuć. Nie płacić zbor možna, adpracavaŭšy vyznačany čas na siezonnych rabotach, śpis jakich śćviardžaje Saŭmin. Nie buduć płacić padatak tyja, chto vykonvaje raboty pa hramadzianska-pravavych damovach. Heta značyć fryłansiery. Praŭda, pry hetym zarabić takim sposabam treba nie mienš za 70 bazavych vieličyń (ciapier heta 12,6 miljona rubloŭ) za hod. Vyzvalać ad padatku advakataŭ i nataryusaŭ. Tyja, chto zajmajecca tvorčaj dziejnaściu (naprykład, piša vieršy abo knihi), nie buduć płacić padatak, tolki kali znachodziacca ŭ tvorčych sajuzach.
Žychary vioski
Nie płacić zbor mohuć i tyja, chto zajmajecca ahraekaturyzmam i płacić padatak z hetaj dziejnaści. Fakt zaniatkaŭ takoj dziejnaściu pavinien paćvierdzić miascovy vykankam.
A voś pracazdolnyja haradžanie, jakija žyvuć tolki uradžajem z dačy, buduć ličycca darmajedami.
Nie pracavać i nie płacić padatak, zajmajučysia sielskaj haspadarkaj, zmohuć tyja, chto zarehistravany ŭ sielskim nasielenym punkcie abo pasiołku haradskoha typu i maje ŭčastak dla viadzieńnia sielskaj haspadarki. Pry hetym fakt viadzieńnia sielskaj haspadarki pavinien być paćvierdžany sielskim savietam.
Ipešniki i ramieśniki
Prosta rehistracyi IP dla vyzvaleńnia ad zboru «na darmajedstva» niedastatkova. Dla hetaha treba vieści dziejnaść i płacić padatki. Toje ž samaje tyčycca i ramieśnikaŭ.
Biespracoŭnyja i ŭładalniki kvater
Paźbiehnuć vypłaty padatku ŭ bolšaści vypadkaŭ dla doŭhi čas tym, chto nie pracavaŭ, dapamoža tolki rehistracyja ŭ centry zaniataści. Taksama biespakarana nie chadzić na pracu bolš za paŭhoda zmohuć tyja, chto ŭžo paśpieŭ vypłacić u vyhladzie padachodnaha padatku (abo adzinaha padatku, abo padatku pa sproščanaj sistemie) na praciahu padatkovaha pieryjadu hetyja samyja 20 bazavych vieličyń. Pa sutnaści, kazna atrymała z vas adkładzieny zbor «na darmajedstva». Atrymlivajecca, što darmajedami nie ličacca tyja, chto, naprykład, zdaje kvatery pa damovie, płacić z hetaha padatak nie mienš 3,6 miljona rubloŭ, ale pry hetym nidzie nie pracuje.
Pravaparušalniki i vinavatyja ŭ złačynstvach
Jak skazana ŭ punkcie 7 Dekreta, jaho dziejańnie nie raspaŭsiudžvajecca na hramadzian, jakija bolš za 183 dzion adbyvali pakarańnie ŭ vyhladzie aryštu, abmiežavańnia voli z nakiravańniem u vypraŭlenčuju ŭstanovu adkrytaha typu, pazbaŭleńnia voli, pažyćciovaha źniavoleńnia, a taksama znachodzilisia ŭ lačebna-pracoŭnym prafiłaktoryi, ŭtrymlivalisia pad vartaj abo chatnim aryštam.
