Fiederalnaje abjadnańnie niamieckaj pramysłovaści (BDI) raić svaim siabram abmiežavać supracoŭnictva z Rasiejaj i Kitajem.
Pra heta havorycca ŭ zakrytym liście staršyni arhanizacyi Ulrycha Hryła ad 4 krasavika, razasłanaha jaho členam. Kopiju hetaha lista raźmiaściła vydańnie «Die Welt».
U liście kiraŭnika najbujniejšaha abjadnańnia biznesu Hiermanii ŭkazvajecca, što namioki na toje, što pavodziny Rasiei možna zrazumieć i navat apraŭdać, «nie spryjajuć vyrašeńniu kanfliktu abo adnaŭleńniu mirnaha ładu ŭ Jeŭropie».
Jak ličyć staršynia BDI, biznes-arhumienty pavinny «sastupić» ekanamičnym sankcyjam, jakija źjaŭlajucca adkazam na parušeńnie mižnarodnaha prava. «My pavinny zrabić svoj uniosak u stabilizacyju mižnarodnaha paradku», — cytuje vydańnie list Hryła.
Kiraŭnik niamieckaj biznes-asacyjacyi taksama zaklikaŭ da strymanaści ŭ suviaziach z Kitajem. Jon z razumieńniem stavicca da pradprymalnikaŭ, jakich dzivić chutkaść pracy kitajskaha ŭrada, adnak padkreślivaje: «Tyja, chto abaraniaje piacihodki i płanavuju ekanomiku, pavinny razumieć, što heta supiarečyć pryncypam, na jakich pabudavany naš svabodny rynak».