«Ukrabaronprom» prezientavaŭ šerah vidaŭ sučasnaha ŭzbrajeńnia, u tym liku i madernizavany rakietny kompleks z radyjołakacyjnym abstalavańniem, jakoje dazvalaje vyjavić cel za 300 km i abiasškodzić jaje na adlehłaści 30 km. Jon zdolny vieści ahoń pa pavietranych, marskich, naziemnych celach, što zabiaśpiečyć prykryćcio ŭkrainskich vojskaŭ jak z pavietra, tak i z mora.
Fota z prezientacyi «Ukrabaronproma» apublikavaŭ na svajoj staroncy ŭ Facebook sakratar Rady nacyjanalnaj biaśpieki i abarony Ukrainy Alaksandr Turčynaŭ.
Taksama byli prezientavanyja novyja bieśpiłotniki, u tym liku i bieśpiłotniki-kamikadze, jakija dazvalajuć kropkava paražać pazicyi praciŭnika.
«Novyja ajčynnyja bajavyja moduli dla ŭkrainskaj bronietechniki, jakija kirujuć znutry kabiny, majuć pavyšanuju dakładnaść viadzieńnia ahniu. Jany abstalavanyja pryborami načnoha bačańnia i ciepłavizaram, što dazvalaje paražać mety dniom i nočču», — padpisaŭ adno z fota Turčynaŭ.