Biełaruskaja čyhunka naznačyła bolš za 40 dadatkovych ciahnikoŭ u dni śviatkavańnia Vialikadnia i na Radaŭnicu, paviedamili ŭ pres-centry BČ.
Na hety ž pieryjad (10, 11, 12, 17, 18 i 21 krasavika) naznačany ciahniki mižrehijanalnych linij, jakija źviažuć stalicu z Brestam, Hrodnam, Viciebskam, Homielem, Pinskam i Połackam. Dadatkovyja sastavy taksama buduć pieravozić pasažyraŭ u napramkach pamiž abłasnymi centrami.
Naprykład, na 10 krasavika naznačany ciahniki numar 635 Minsk-Pinsk, numar 679/680 Viciebsk-Brest, a taksama dva sastavy pa maršrucie Minsk-Brest i dva — pa napramku Minsk-Homiel.
U subotu, 11 krasavika, dadatkova buduć kursiravać ciahniki numar 636 Pinsk-Minsk, numar 666 Brest-Minsk, numar 671 Homiel-Minsk, numar 673/674 Minsk-Hrodna, numar 679/680 Viciebsk-Brest. Na Vialikdzień, 12 krasavika, naznačany ciahniki numar 673/674 Minsk-Hrodna i numar 679/680 Viciebsk-Brest.
Napiaredadni Radaŭnicy, 17 krasavika, pasažyraŭ zmohuć pieravozić ciahniki numar 635 Minsk-Pinsk, numar 638 Minsk Homiel, numar 672 Minsk-Homiel, numar 673 Minsk-Hrodna, numar 679/680 Viciebsk-Brest i dva ciahniki pa maršrucie Minsk-Brest.
Bolš za ŭsio — 12 sastavaŭ — dadatkova naznačana na Radaŭnicu, 21 krasavika. U hety dzień pa BČ buduć kursiravać ciahniki numar 645/646 Viciebsk-Mahiloŭ, numar 673/674 Minsk-Hrodna, numar 679/680 Viciebsk-Brest, numar 693/693 Połack-Minsk, try ciahniki pa maršrucie Minsk-Homiel i adzin — Homiel-Minsk.
Bolš padrabiaznuju infarmacyju ab sastavach i časie ich adpraŭleńnia možna atrymać na sajcie Biełaruskaj čyhunki, a taksama ŭ čyhunačnych kasach i pa telefonach daviedačnych słužbaŭ.
BČ praciahnie rabotu pa naznačeńni dadatkovych ciahnikoŭ na śviatočny pieryjad z ulikam rostu pasažyrapatoku.
