Prezident Vieniesueły Nikałas Madura prybyŭ na samit Amieryk ŭ Panamu razam sa svaim dvajnikom. Upieršyniu ŭ historyi dvajnik kiraŭnika dziaržavy trapiŭ na videa. Kadry, na jakija trapiŭ dvajnik Madura i žonka prezidenta, raźmieščany na YouTube-kanale ispanamoŭnaj viersii telekanała CNN.
Na videazapisie vidać, jak dvajnik u supravadžeńni achovy sadzicca ŭ prezidencki limuzin, jaki nakiroŭvajecca na samit. Sam ža Madura ścipleńka jedzie ŭ adnoj z druhasnych mašyn vieniesuelskaj delehacyi.
Dvajnik padobny na prezidenta ciełaskładam i vusami.
Madura paranaidalna baicca zamachaŭ na svajo žyćcio.
U Panamie pamiž prezidentam ZŠA Barakam Abamam i Maduram adbyłasia karotkaja razmova.
Pa słovach pres-sakratara Biełaha doma Ketryn Varhas, Abama zapeŭniŭ Maduru, što Złučanyja Štaty nie majuć namieru pahražać Vieniesuele. Akramia taho, Abama vykazaŭsia ŭ padtrymku mirnaha dyjałohu pamiž uradam i apazicyjaj.
Taksama amierykanski prezident dadaŭ, što ZŠA zacikaŭlenyja ŭ padtrymcy demakratyi, stabilnaści i roskvicie ŭ Vieniesuele.
Madura nazvaŭ razmovu kanstruktyŭnaj i vykazaŭ mierkavańnie, što jość šaniec na narmalizacyju adnosin miž dźviuma krainami.
