Partyja levych «Spraviadlivy śviet» nazvała zabaronu savieckaj i kamunistyčnaj simvoliki supiarečnaj jeŭrapiejskim normam.
«Viarchoŭnaja Rada Ukrainy pryniała zakon, pa jakim u parušeńnie ahulnapryznanych normaŭ mižnarodnaha prava ŭ Ukrainie zabaraniajecca prapahanda kamunistyčnaj ideałohii i vykarystańnie kamunistyčnych najmieńniaŭ i simvoliki, a taksama stavicca znak roŭnaści pamiž kamunizmam i nacyzmam. Adnačasova pryniaty taksama aburalny zakon ab ušanavańni pamiaci udzielnikaŭ baraćby za niezaležnaść Ukrainy ŭ XX stahodździ, da jakich adniesienyja ŭdzielniki AUN, UPA i inšych padobnych adyjoznych arhanizacyj. Trecim pryniaty zakon, jaki zabaraniaje aficyjnaje ŭžyvańnie nazvy «Vialikaja Ajčynnaja vajna». Tym samym Viarchoŭnaj Radaj z historyi Ukrainy vykreślenaja adna z samych hieraičnych jaje staronak», — havorycca ŭ zajavie.
«Biełaruskaja partyja levych «Spraviadlivy śviet» ličyć, što pryniatyja zakony supiarečać ahulnapryznanym normam mižnarodnaha prava i Kanstytucyi Ukrainy, padryvajuć asnovy demakratyčnaha ŭładkavańnia dziaržavy, likvidujuć palityčnyja pravy i svabody hramadzian. Ich praktyčnaja realizacyja pryviadzie da eskałacyi napružanaści i jašče bolšaha raskołu ŭkrainskaha hramadstva, — zaścierahajuć eks-kamunisty. — Biełaruskaja partyja levych «Spraviadlivy śviet» asudžaje lubyja sproby pierapisać hieraičnuju historyju Vialikaj Ajčynnaj vajny, prynizić i skazić rolu miljonaŭ sapraŭdnych patryjotaŭ Ukrainy, usiaho Savieckaha naroda ŭ vialikaj Pieramozie nad fašyzmam», — havorycca ŭ zajavie.
