Konkurs u vajskovyja VNU Rasii sioleta dasiahaje dzieviaci čałaviek na miesca, zajaviŭ 19 červienia kiraŭnik Minabarony RF Siarhiej Šajhu na kruhłym stale «Armija i hramadstva», jaki prachodzić u ramkach forumu «Vojska-2015».
«U siarednim pa ŭsich navučalnych ustanovach u nas niedzie 8,5—9 čałaviek na miesca», — skazaŭ Šajhu, adznačyŭšy, što «konkurs u našy navučalnyja ŭstanovy biesprecedentny».
Pavodle jaho słoŭ, vajennaje viedamstva vymušana razhladać varyjanty vyrašeńnia prablemy. U jakaści prykładu jon pryvioŭ vajskova-miedycynskuju akademiju, dzie na 25 miescaŭ dla dziaŭčat pretendujuć zvyš 100 miedalistak, a ŭ ahulnaj składanaści nabrałasia 800 kandydatak.
Vosieńniu minułaha hoda Šajhu adznačaŭ, što konkurs pieravysiŭ piać čałaviek na miesca, a ŭ niekatoryja VNU skłaŭ vosiem čałaviek na miesca. U ahulnaj składanaści ŭ vajennyja VNU nabrali 13 tysiač čałaviek.
