Arhanizacyja krain-eksparcioraŭ nafty prahnazuje rost cenaŭ na enierhanośbity ŭ najbližejšaj budučyni. Popyt na naftu z 2016 hoda pačnie raści i da 2040 hoda pavialičycca prykładna na 20%, ličać u APIEK.
Tendencyja da rostu popytu, u adpaviednaści z prahnozam APIEK, praciahniecca pry luboj dynamicy suśvietnaj ekanomiki až da 2040. Ciapier APIEK aceńvaje suśvietnaj popyt na naftu ŭ 92,8 młn baralaŭ u dzień. Pa aptymistyčnym scenary da 2040 hoda jon vyraście da 114,6 młn baralaŭ u dzień, a cana na naftu košyka APIEK padnimiecca da 160 dalaraŭ za baral.
Temp rostu cenaŭ na naftu budzie pavolnym. U siarednim, pa acency kartela, cana na naftu, jakaja zdabyvajecca u 13 krainach APIEK, budzie padymacca prykładna na piać dalaraŭ u hod. Da 2020 hoda jana pavinna dasiahnuć 80 dalaraŭ.
Košyk APIEK ŭklučaje ŭ siabie 12 hatunkaŭ blizkaŭschodniaj, afrykanskaj i łacinaamierykanskaj nafty. Ceny na rasijskuju naftu ŭ prahnozie nie zhadvajucca.
21 śniežnia cana na naftu marki Brent upała nižej za adznaku ŭ 36,2 dalara za baral - heta minimalnaje značeńnie ź lipienia 2004 hoda.
Asnoŭnaja pryčyna padzieńnia - u praźmiernaści prapanovy nafty na rynku.
Zapasy nafty ŭ ZŠA, pavodle statystyki, apublikavanaj na minułym tydni, apynulisia na maksimalnym uzroŭni z 1930 hoda. Akramia taho, u piatnicu Złučanyja Štaty admianili zabaronu na ekspart nafty, jaki dziejničaŭ na praciahu 40 hadoŭ.