Rynak nafty pačnie bałansavać praz 1—1,5 hady, spraviadlivym koštam źjaŭlajecca ŭzrovień u 40—50 dalaraŭ za baral, skazaŭ ministr enierhietyki RF Alaksandr Novak ŭ efiry prahramy «Vieści tydnia» rasijskaha TB.
Fota: RIA Novosti
Ciapier idzie pieravyšeńnie prapanovy nafty nad popytam. Popyt vyras na 1,5 miljona baralaŭ za sutki, prapanova — da 1,9 miljona baralaŭ za sutki na fonie nizkich koštaŭ, cytuje ministra RIA Novosti.
«My ličym, što dla adnaŭleńnia (bałansu popytu i prapanovy na rynku nafty) patrebny jašče jak minimum adzin hod, paŭtara hoda. Bałans popytu i prapanovy pačnie vyraŭnoŭvacca», — skazaŭ Novak.
«Što tyčycca koštaŭ, tut ciažka prahnazavać, kali jany pačnuć svajo adnaŭleńnie. Kali kazać pra spraviadlivyja ceny, na moj pohlad, i pra heta kažuć mnohija analityki, siońnia bienčmarkam, hraničnaj canoj, źjaŭlajecca sabiekošt zdabyčy słancavaj nafty. Sabiekošt zdabyčy vahajecca ŭ dyjapazonie ad 20 da 60 dalaraŭ. U siarednim možna skazać pra 40—50 dalaraŭ jak cenach, jakija ŭ vypadku adnaŭleńnia mahli b trymać bałans popytu i prapanovy», — adznačyŭ ministr.
