Za kradziež bujnoj sumy supracoŭniki adździeła pa baraćbie z ekanamičnymi złačynstvami zatrymali 35-hadovuju ŭradženku Rasijskaj Fiederacyi, paviedamiła pres-aficer Frunzienskaha RUUS Natalla Askirka.
Žančyna pražyvała ŭ Minsku i prachodziła stažyroŭku kasirkaj u adnym sa staličnych hipiermarkietaŭ. U kancy adnoj z rabočych źmien supracoŭniki pieraličvali vyručku. Skarystaŭšysia momantam, kali naparnica nie hladzieła ŭ jaje bok, stažorka ŭziała pačak 200-tysiačnych kupiur i schavała pad vopratku. Prapažu 20 młn rubloŭ vyjavili inkasatary paśla ŭskryćcia miaška z vyručkaj. Raniej dama sudzimaja nie była, svaje dziejańni patłumačyła tym, što joj nie chapała hrošaj na vypłaty pa kredytach.
Jak raskazaŭ pieršy namieśnik načalnika Frunzienskaha RUUS — načalnik kryminalnaj milicyi Alaksandr Pałulech, u dačynieńni da žančyny raspačataja kryminalnaja sprava pa č. 1 art. 211 (prysvajeńnie abo rastrata) Kryminalnaha kodeksa Respubliki Biełaruś.
