Biełstat apublikavaŭ dadzienyja pa zroblenych abortach – za minuły hod ich było zroblena 29 217. Pavodle statystyki, kolkaść abortaŭ praciahvaje pavolna skaračacca.
Jość niekalki mietodyk padliku. Biełstat abraŭ kolkaść abortaŭ na 100 rodaŭ. Takim čynam, kali ŭ 2014 hodzie na 100 rodaŭ naličvałasia 25,3 aborta, to letaś – 24,7 aborta.
Roźnica pa rehijonach zastajecca vielizarnaja – hladzi tablicu.
Kolkaść abortaŭ na 100 rodaŭ (u dužkach dynamika za hod)
1. Minščyna – 15 (-0,6)
2. Brestčyna – 19,2 (+4,1)
3. Hrodzienščyna – 19,5 (-2,3)
4. Mahiloŭščyna – 23,3 (-2,5)
5. Minsk – 27,5 (+0,2)
6. Viciebščyna – 33,4 (-2,5)
7. Homielščyna – 34,1 (-2,5).
Źviartaje na siabie ŭvahu toj fakt, što kolkaść abortaŭ vyrasła tolki ŭ Minsku i Brestčynie.
Kali ŭ 2014 hodzie ŭ Bresckaj vobłaści było zafiksavana 2673 abortaŭ, to letaś – 3398 abortaŭ.
* * *
Druhaja mietodyka pakazvaje dolu abortaŭ ad ahulnaj kolkaści ciažarnaściaŭ. U Biełarusi hety pakazčyk upieršyniu apuściŭsia nižej za miažu 20%.
U internecie časta pierastaŭlajecca jeŭrapiejskaja karta abortaŭ.
Jana datujecca 2012 hodam, hetyja źviestki nie zaŭsiody dakładnyja, ale pakazvajuć tendencyi.