U 1939 hodzie, kamientujučy demanstracyju telebačańnia na suśvietnaj vystavie, adzin z ahladalnikaŭ «Ńju-Jork Tajms» pisaŭ: «Prablema telebačańnia ŭ tym, što ludzi pavinny siadzieć i trymać svaje vočy pryleplenymi da ekrana; siaredniaja amierykanskaja siamja nie maje na heta stolki volnaha času». Kali zaradžałasia telebačańnie, mnohija prahnozy budučyni hetaha fienomienu hučali skieptyčna - zdavałasia, što jamu niama miesca ŭ tym ładzie žyćcia, jaki ŭstalavaŭsia ŭ zvyčajnaha čałavieka. Adnak stałasia naadvarot - hety kirunak maśmiedyja tak mocna paŭpłyvaŭ na ludziej, što heta čałaviek ź ciaham času pačaŭ vybudoŭvać svoj rasparadak dnia ŭ adpaviednaści z prahramaj pieradač ulubionych telekanałaŭ.
Vy skažacie, što Vas heta nie datyčyć, bo vy ŭžo daŭno nie amatar telebačańnia? Ale ž sa źjaŭleńniem internetu i pieramiaščeńniem maśmiedyja ŭ prastoru hłabalnaj sietki hety praces ŭpłyvu na čałavieka, jaho śviadomaść, sistemu kaštoŭnaściaŭ, matyvacyju dziejańniaŭ staŭ jašče bolš adčuvalnym. Siońnia całkam vidavočna, što miedyjaśfiera - heta nie tolki krynica infarmavańnia, tranślacyi kulturnych madelaŭ, heta važny faktar farmavańnia čałavieka.
Dzie apynulisia miedyja siońnia? Čamu vakoł tak šmat «žaŭcizny»? Što nie tak ź biełaruskim miedyjarynkam? Jak praź niekalki hadoŭ miedyja mohuć źmianić žyćcio zvyčajnaha biełarusa ŭ doli siekundy?
Razvažajučy pra budučyniu Biełarusi, nielha abminuć analiz trendaŭ, tendencyj i kirunkaŭ raźvićcia sučasnaj žurnalistyki, uzajemaadnosin ŚMI i sučasnaha hramadstva.
20 traŭnia 2016 h. Latučy ŭniviersitet i Centr jeŭrapiejskaj transfarmacyi ŭ miežach cykła «Ujaŭlajučy Biełaruś: idei i vobrazy dla supolnaj budučyni» zaprašajuć na adkrytuju lekcyju Siarhieja Sacharava, hałoŭnaha redaktara internet-časopisa pra Minsk CityDog.by. Razvažajučy pra sučasnyja miedyja, my pahavorym taksama pra pazicyjanavańnie internet-vydańniaŭ, pierśpiektyvach stvareńnia «mašyny času» i pra toje, jak heta paŭpłyvaje na srodki masavaj infarmacyi.
Lekcyja «Plus-minus dvaccać hadoŭ: što adbyvajecca ź miedyja siońnia i čym heta adhukniecca zaŭtra?» budzie prachodzić u kreatyŭnaj prastory «CECH» (vuł. Kastryčnickaja, 16), pačatak a 18.30. Uvachod volny!
Videazapisy papiarednich lekcyj i anonsy nastupnych padziej šukajcie na sajcie Latučaha ŭniviersiteta.
