Siryjskija paŭstancy, pa paviedamleńni ŚMI, abiezhałovili chłopčyka z paleścina-siryjskaj hrupoŭki «Bryhada Al-Kuds», što vajuje na baku siryjskich uradavych vojskaŭ u Alepa.
Dva videaroliki, na jakich zaśniata rasprava nad dziciem, źjavilisia ŭ internecie ŭ aŭtorak. Na pieršym piaciora mužčyn siadziać u kuzavie pikapa i trymajuć chłopčyka, jakomu na vyhlad 10—13 hadoŭ.
Adzin z mužčyn kaža: «U «Bryhady Al-Kuds» niama mužčyn, raz jany pasyłajuć nam dziaciej» [cytata pa Los Angeles Times]. Inšy dadaje: «Voś tvaje sabaki, Bašar» — źviartajučysia, vidać, da prezidenta Siryi Bašara Asada.
Na druhim videaroliku adzin z bajevikoŭ chapaje chłopčyka za vałasy, pierakulvaje jaho na padłohu kuzava, paśla čaho adrazaje jamu hałavu.
Apazicyjny siryjski sajt Enab Baladi piša, što chłopčyk byŭ zachopleny ŭ pałon niedaloka ad Alepa miascovaj paŭstanckaj hrupoŭkaj «Charak Nur ad-Dyn az-Zinka». Da vieraśnia minułaha hoda jana atrymlivała finansavuju i vajennuju dapamohu ad ZŠA, paviedamlaje Los Angeles Times. Siarod sponsaraŭ hrupoŭki byli taksama, pa niekatorych dadzienych, ŭrady Turcyi, Katara, Francyi i Vialikabrytanii.
Paźniej ŚMI raspaŭsiudzili zajavu lidaraŭ hrupoŭki, jakija asudzili zabojstva chłopčyka i paabiacali rasśledavać abstaviny zdareńnia. Razam z tym u paviedamleńni padkreślivałasia, što sapraŭdnaja vina lažyć na mižnarodnaj supolnaści, jakaja «zachoŭvaje maŭčańnie z nahody złačynstvaŭ, jakija ździajśniajucca režymam» Bašara Asada.
