Ratavalniki znajšli ŭ harach abłomki źnikłaha An-2. Suviaź z samalotam, jaki vylecieŭ ź Bierdska ŭ Krasnajarsk, była stračana ŭ niadzielu. Troje ludziej, što znachodzilisia na borcie, zahinuli.
Ratavalniki ź viertalota Mi-8 vyjavili abłomki źnikłaha samalota An-2 u Kiemieraŭskaj vobłaści. Pra heta «RIA Novosti» raspavioŭ v.a. dyrektara Sibirskaha avijacyjnaha pošukava-vyratavalnaha centra Uładzimir Płotnikaŭ.
«Samalot znajšli ŭ harach — hara Abatava prykładna za 40 km na ŭschod ad pasiołka Krapivinski. Zaraz ratavalniki našaha centra vybirajuć placoŭku dla pasadki albo buduć ažyćciaŭlać spusk na spuskavych pryładach», — skazaŭ surazmoŭca ahienctva.
Paźniej Płotnikaŭ paviedamiŭ, što vyratavalniki nie znajšli miesca dla pasadki. U vyniku jany vyrašyli desantavacca. Na miescy krušeńnia jany vyjavili zharełyja abłomki An-2. Nichto z tych troch čałaviek, chto znachodziŭsia na borcie, nie vyžyŭ.
U niadzielu An-2 pierastaŭ vychodzić na suviaź. Samalot lacieŭ ź Bierdska (Novasibirskaja vobłaść) u Krasnajarsk.
