U viciebskim kanstruktarskim biuro «Dysplej» raspracavany videamanitor zvyšvysokaj vyraznaści z dyjahanallu 98 calaŭ i razroźnieńniem 3840×2160 (4K).
Jak raspavioŭ markietołah pradpryjemstva Siarhiej Hukaŭ, videamanitor vypuščany zusim niadaŭna i byŭ anansavany na vystavie «Armija-2016», jakaja prajšła ŭ pačatku vieraśnia ŭ Padmaskoŭi.
Vielizarny biełaruski hadžet pryznačany dla prymianieńnia ŭ sistemach infarmacyjnaha zabieśpiačeńnia i aŭtamatyzavanaha kiravańnia, dla abstalavańnia kamandnych punktaŭ kiravańnia, dyśpietčarskich, a taksama jak samastojnaja pryłada.
U apisańni da pryłady pakazana, što pamier ekrana i paramietry vyjavy ekvivalentnyja pamieram i paramietram videaścien, jakija składajucca z čatyroch videamanitoraŭ z dyjahanallu ekrana 46 calaŭ, «ale pry hetym, u adroźnieńnie ad videaścien, na vyjavieadsutničajuć stykoŭnyja švy».
Pryłada vypuskajecca ŭ dvuch madyfikacyjach ź indeksami VMC-250ŽK i VMC-250ŽK-U. U pieršym vypadku videamanitor moža vykarystoŭvacca ŭ stacyjanarnych abjektach, u druhim — u ruchomych. Siarod charaktarystyk pryłady — mahčymaść pracy pry tempieratury ad -40 da +65°S, a taksama va ŭmovach padvyšanaj vilhotnaści (da 98%). Padklučeńnie da pryłady adbyvajecca pa interfiejsie HDMI, a maksimalnaja spažyvanaja mahutnaść składaje 600 Vt.
U KB «Dysplej» nie ŭdakładnili canu pryłady, adznačyŭšy, što padobnyja śpiecyjalizavanyja abaronienyja pryłady pryznačanyja nie dla masavaha rynku, a ich vytvorčaść viadziecca vyklučna pad zamovu.
