Urahan «Mećju», jaki bušuje ŭ Atłantycy, u ZŠA zabraŭ žyćci 17 čałaviek, paviedamlajuć infarmahienctvy.
Achviarami stychii stali žychary troch štataŭ — Džordžyja, Fłaryda i Paŭnočnaja Karalina. Ciapier «Mećju» asłabieŭ da ŭzroŭniu cykłona. Fiederalny ŭrad abiacaje štatam, jakija paciarpieli ad urahanu, akazać dapamohu dla kampiensacyi naniesienaj škody.
Pa prahnozach śpiecyjalistaŭ, «Mećju» praciahnie hublać svaju siłu i budzie ruchacca ŭ bok akijana, addalajučysia ad atłantyčnaha ŭźbiarežža ZŠA.
Na hetym tydni ŭrahan «Mećju», jaki staŭ samym mocnym u Atłantyčnym akijanie z 2007 hoda, lutavaŭ na vyspach Karybskaha basiejna. Bolš za ŭsich paciarpieli žychary Haici, dzie zahinuła kala 900 čałaviek, razburanyja tysiačy damoŭ. Materyjalnaja škoda vyličajecca miljardami dalaraŭ.
