Zabudoŭščyk «Majaka Minska» pašyraje aŭtastajanku kala Nacyjanalnaj biblijateki Biełarusi. Architektar Viktar Kramarenka i kanstruktar Cimafiej Piacold raspaviali TUT.BY, čamu hetaha kateharyčna nielha rabić i jakaja niebiaśpieka pahražaje budynku. Jany majuć namier spynić budaŭničyja raboty.
Viktar Kramarenka i Cimafiej Piacold
Viktar Kramarenka — saaŭtar architekturnaha prajekta biblijateki. Padčas jaje budaŭnictva ŭ 2003 hodzie jon źviarnuŭsia ŭ instytut vykarystańnia vodnych resursaŭ (CNIIKVVR), kab daviedacca, ci možna pravodzić raboty na terytoryi susiedniaha talvieha (linija, jakaja złučaje samyja nizkija punkty dna rova). Navukoŭcy adkazali kateharyčnaj admovaj — kali talvieh zasypać, padziemnyja vody mohuć pajści pad biblijateku.
— Kali niekalki dzion tamu ja ŭbačyŭ, što na talviehu viaducca budaŭničyja pracy — ja byŭ u žachu: kali vada pojdzie pad padmurak, moža zdarycca katastrofa, — skazaŭ Kramarenka. — Naš abaviazak jak architektara i kanstruktara nie dapuścić hetaha, bo sprava surjoznaja.
Jon adpraviŭ list ministru architektury i budaŭnictva Anatolu Čornamu, dyrektaru Nacyjanalnaj biblijateki Ramanu Matulskamu, a taksama abpaviaściŭ dyrektara CNIIKVVR Alaksandra Stankieviča.
Prafiesar BNTU i kanstruktar Nacyjanalnaj biblijateki Cimafiej Piacold naviedaŭ miesca rabot i pahutaryŭ ź inžynieram Alaksandram Ahaniesianam. Ź jaho słoŭ, toj nie viedaje pra imaviernuju prablemu, a harantyja biaśpieki dla budynka biblijateki prajektam nie praduhledžanaja.
— Ja raspavioŭ ab spravazdačy CNIIKVVR i zabaronu na praviadzieńnie budaŭničych rabot na miescy talvieha. Padziemny vadaciok pačnie šukać novuju darohu i moža pajści pad budynak, — skazaŭ navukoviec.
Piacoldu pakazali płan rabot — zychodziačy ź jaho, kaža śpiecyjalist, sapraŭdy talvieh budzie zasypany.
— Niechta pavinien uziać na siabie adkaznaść, — skazaŭ na zakančeńnie jon.
Bolš padrabiazna čytajcie tut >>>
