U adroźnieńnie ad minułych hadoŭ apublikavany nie adzin, a dva śpisy: śpis ludziej, pazbaŭlenych svabody ŭ suviazi z realizacyjaj prava na svabodu vieravyznańnia, i śpis usich astatnich palitviaźniaŭ.
Fota: memohrc.org
«My ŭviali taki padzieł, kab rasiejskaja i suśvietnaja supolnaść mahła lepš ŭspryniać prablemu palityčna matyvavanaha i niezakonnaha pazbaŭleńnia voli ŭ našaj krainie, a taksama kab pavysić ŭzrovień hramadskaj salidarnaści z palitviaźniami», — tłumačać u «Miemaryjale».
Kali hod tamu ŭ śpisie palitviaźniaŭ było 50 čałaviek, to siońnia ŭ abodvuch śpisach razam — 102 čałavieki.
Kolkaść palitviaźniaŭ navat u hetych nie pretendujučych na paŭnatu śpisach, takim čynam, surjozna vyrasła.
U pieršy śpis trapili abvinavačanyja pa spravie Chizb ut-Tachryr krymskija tatary.
Da druhoha adniesienyja inšyja hramadzianie Ukrainy, jakija ŭtrymlivajucca ci asudžanyja u Rasii: Aleh Siancoŭ, Alaksandr Kolčanka, Siarhiej Litvinaŭ i inš.
«Abodva śpisy zaviedama niapoŭnyja. U ich tolki tyja ludzi i spravy, pra jakija nam udałosia sabrać i praanalizavać dastatkova materyjałaŭ, kab zrabić arhumientavanuju vysnovu pra palityčna matyvavany i niezakonny charaktary kryminalnaha pieraśledu. U śpisach niama mnohich ludziej, jakija pazbaŭlenyja svabody i pieraśled jakich maje prykmiety niezakonnaści i palityčnaj matyvavanaści, bo my pakul albo nie atrymali nieabchodnych materyjałaŭ pa hetych spravach, albo jašče analizujem ich. Niama ŭ našych śpisach i tych, chto ŭžyvaŭ hvałt suprać asoby abo zaklikaŭ da hvałtu pa prykmietach relihii, nacyjanalnaści, rasy i h. d.», — havorycca ŭ paviedamleńni.
Na pačatku kastryčnika miniust RF unios mižnarodnaje historyka-aśvietnickaje, dabračynnaje i pravaabarončaje tavarystva «Miemaryjał» u rejestr «zamiežnych ahientaŭ» pa vynikach pazapłanavaj pravierki.