Fota i.imgur.com
Pra heta 7 listapada zajaviła premjer-ministar Polščy Beata Šydła na pres-kanferencyi z nahody 10-hodździa pryniaćcia «Łańcuckaj deklaracyi», paviedamlaje svaboda.org.
U 2006 hodzie ministry transpartu Polščy, Litvy, Słavaččyny i Vuhorščyny padpisali deklaracyju ab budaŭnictvie najkaraciejšaj aŭtadarohi na vosi Poŭnač-Poŭdzień Eŭropy. Praz čatyry hady da hetaj inicyjatyvy dałučylisia Baŭharyja, Rumynija i Hrecyja.
Via Carpathia budzie prachodzić ad Kłajpiedy praz Koŭna ŭ Litvie, praź Biełastok i Lublin u Polščy, słavackija Košyce dalej praz Vuhorščynu, Rumyniju, Baŭharyju i Hrecyju.
Biełaruś u prajekcie Via Carpatia nia ŭdzielničaje, ale jaje adrezak ad litoŭskaj miažy da Lublina na polskim baku budzie prachodzić u niepasrednym susiedztvie biełaruskaj miažy. Dajechać ad pamiežnych pierachodaŭ z Polščaj da aŭtabanu, jaki viadzie ŭ Hrecyju, biełarusam zojmie mienš za hadzinu, a na niekatorych adrezkach — da paŭhadziny.
Pryjšoŭ čas, kali my realna pačynajem realizacyju investycyi Via Carpatia, stratehičnaj darohi dla Centralna-Ŭschodniaj Eŭropy — skazała Beata Šydła ŭ Łańcucie na poŭdni Polščy.
Naprykancy kastryčnika bolš za paŭtysiačy deputataŭ Eŭrapiejskaha parlamentu pryniali spravazdaču, pryśviečanuju raźvićciu transpartnaj infrastruktury ŭ Centralna-Ŭschodniaj Eŭropie. U hetym dakumencie jość zaklik da Eŭrakamisii i krain-siabraŭ EZ raspačać nieabchodnyja kroki dla realizacyi finansavaha boku investycyi Via Carpathia.
