Pavodle jaho słoŭ, asabliva ŭ rasijskaj kina- i teleindustryi ceniacca biełaruskija scenarysty. «Ja šmat hadoŭ pracavaŭ u Maskvie i viedaju, chto hetyja ludzi, choć jany pa kantrakcie i nie mohuć pastavić svajo imia ŭ citrach, — skazaŭ jon. — Na kanałach «STS», «TNT» kala 70% aŭtaraŭ — biełarusy, u tym liku našy KVZšniki. Tamu biełaruskaje kino zaŭždy isnavała, talenavityja ludzi taksama».
Poršnieŭ paviedamiŭ, što ciapier u redaktury «Biełaruśfilma» lažać 15 scenaryjaŭ maładych biełaruskich režysioraŭ, siem ź ich buduć adabranyja dla stvareńnia na bazie nacyjanalnaj kinastudyi karotkamietražak u novy biełaruski almanach. Rašeńnie ŭzhodnienaje na ŭzroŭni Ministerstva kultury.
«Tut ja sutyknuŭsia z zajavaj Minkultury ab tym, što adabranyja režysiory pavinny być abaviazkova vypusknikami Biełaruskaj akademii mastactvaŭ», — raspavioŭ Poršnieŭ i padkreśliŭ, što jon dakładna vykazaŭ svoj punkt hledžańnia: «Heta pavinny być lubyja ludzi z profilnaj adukacyjaj, jakija žadajuć źniać kino».
«Ciapier ja zaprašaju maładych režysioraŭ prychodzić da nas sa svaimi prajektami, inakš jak my znojdziem tych, chto składzie budučyniu našaha biełaruskaha kino», — skazaŭ jon.
Akramia hetaha jon raskazaŭ, što ŭpieršyniu za apošnija čatyry-piać hadoŭ na studyi «Letapis» studentam Biełaruskaj dziaržaŭnaj akademii mastactvaŭ budzie dadzienaja placoŭka dla zdymki kursavych rabot.
Dyrektar «Biełaruśfilma» dadaŭ, što ciapier na kinastudyi zdymajucca try mastackija filmy, jakija finansujucca jak ź biudžetu, tak i pryvatnych srodkaŭ. Poršnieŭ raźličvaje, što biełaruski hladač ubačyć karciny viasnoj.
