Sankcyi suprać Rasii pavinny być praciahnutyja, bo prahres u vykanańni minskich pahadnieńniaŭ zanadta mały. Pra heta ŭ Bierlinie zajavili kancler Hiermanii Anhieła Mierkiel i prezident Francyi Fransua Aland, paviedamlaje VVS.
Lidary dźviuch jeŭrapiejskich dziaržaŭ zrabili zajavu pierad pačatkam pieramoŭ u Bierlinie. Nieabchodna znoŭ padoŭžyć sankcyi suprać Rasii, bo my chacieli b bačyć bolšy prahres u realizacyi minskich pahadnieńniaŭ, skazała Mierkiel.
«My pavinny praciahvać prytrymlivacca ŭmoŭ minskich pahadnieńniaŭ, i pakul jany nie vykonvajucca, my pavinny praciahvać sankcyi», — pahadziŭsia ź joj Aland.
Kamientujučy zajavy Mierkiel i Alanda, namieśnik kiraŭnika MZS Rasii Ryhor Karasin nazvaŭ ich «cyničnymi i kontrpraduktyŭnymi». Jon skazaŭ, što Maskva prykładaje namahańni, kab zrušyć vykanańnie minskich pahadnieńniaŭ «ź miortvaj kropki, na jakoj jany znachodziacca pa vinie ŭładaŭ Kijeva».
Publikujecca ŭ miežach śpiecyjalnaj rubryki «Naviny Hiermanii»
