Kamitet dziaržaŭnaj biaśpieki Biełarusi «vyjaviŭ maštabnyja karupcyjnyja schiemy, arhanizavanyja rabotnikami SZAT «BiełAVM» na čale z hienieralnym dyrektaram Dźmitryjem Roninym, u jakija byli ŭciahnutyja pradstaŭniki dziaržaŭnych orhanaŭ».
Kiraŭnik ARIP Aleh Vieramiejčyk.
Jak paviedamiŭ BiełaPAN načalnik pres-słužby KDB Dźmitryj Pabiaržyn, 15 śniežnia pry atrymańni chabaru ad Ronina ŭ 20 tys. dalaraŭ ZŠA na miescy złačynstva była zatrymana kiraŭnik Fonda sacyjalnaj abarony nasielnictva (FSAN) Ministerstva pracy i sacyjalnaj abarony Ludmiła Bačyła. Niezakonnaje hrašovaje ŭznaharodžańnie pieradavałasia za akazanaje sadziejničańnie ŭ pryznańni SZAT «BiełAVM» pieramožcam aŭkcyjonu pa zakupcy abstalavańnia dla patreb fondu. U dačynieńni da Bačyła raspačata sprava pa prykmietach składu złačynstva, praduhledžanaha č. 3 art. 430 KK (atrymańnie chabaru), u dačynieńni da Ronina — pa č. 2 art. 431 KK (dača chabaru).
Kiraŭnik Fonda sacyjalnaj abarony nasielnictva Ministerstva pracy i sacyjalnaj abarony Ł. Bačyła piša jaŭku z pavinnaj. Fota: pres-słužba KDB
Zatrymany taksama namieśnik hienieralnaha dyrektara ZAT «BiełAVM» Mikałaj Ramanovič (supolnik u pieradačy chabaru Bačyła), supracoŭnik SZAT Leanid Harbačeŭski i načalnik upraŭleńnia infarmatyzacyi FSAN Vital Staravojtaŭ, adkazny za padrychtoŭku konkursnych dakumientaŭ na zakupku srodkaŭ vyličalnaj techniki. Pavodle infarmacyi KDB, hetyja asoby, znachodziačysia ŭ złačynnaj zmovie, raspracavali «patrebnaje» techničnaje zadańnie, jakoje dazvoliła SZAT pieramahčy ŭ aŭkcyjonie. Za akazany sadziejničańnie Staravojtaŭ pry pasiarednictvie Harbačeŭskaha atrymaŭ chabar u 4 tys. dołaraŭ ZŠA.
U toj ža dzień za karupcyjnyja suviazi z SZAT «BiełAVM» byŭ zatrymany staršynia praŭleńnia AAT «Niabankaŭskaja kredytna-finansavaja arhanizacyja» Adzinaja raźlikova-infarmacyjnaja prastora» (ARIP) Aleh Vieramiejčyk (raniej — načalnik hałoŭnaha ŭpraŭleńnia ARIP NB Biełarusi). U lipieni 2016 hoda jon atrymaŭ ad Ronina 9 tys. dalaraŭ ZŠA, a ŭ listapadzie - 6.400 jeŭra za sadziejničańnie ŭ arhanizacyi i praviadzieńni ŭ intaresach «BiełAVM» «damoŭnaha» tenderu na pastaŭku abstalavańnia na sumu kala 28 miljardaŭ niedaminavanych rubloŭ.
Zatrymanyja načalnik hałoŭnaha ŭpraŭleńnia valutna-finansavaha manitorynhu Nacyjanalnaha banka Biełarusi Anatol Maroz i jaho namieśnik Kaciaryna Paŭłoŭskaja. Zadakumientavanyja try epizody atrymańnia Marozam ad Ronina chabaraŭ u sumie nie mienš za 13 tys. dalaraŭ ZŠA za vybar SZAT «BiełAVM» ŭ jakaści pastaŭščyka abstalavańnia, a taksama fakt jaho pasiarednictva pry atrymańni chabaru Paŭłoŭskaj.
Pa ŭsich pieraličanych faktach raspačatyja kryminalnyja spravy. Zatrymanyja źmieščanyja pad vartu.
Kampanija SZAT «BiełAVM» isnuje bolš za 20 hadoŭ, źjaŭlajecca adnym ź lidaraŭ biełaruskaha rynku kampanij sistemnych intehrataraŭ i partnioram bolš čym dziesiaci viadučych kampanij IT-industryi.
