Alhierd Bacharevič trymaje movaboks.
Prajšoŭšy test pa knizie «Dzieci Alindarki» na sajcie movabox.by, možna paŭdzielničać u rozyhryšy movaboksa — samoj hetaj knihi i źviazanych ź joj artefaktaŭ. Siarod ich vy znojdziecie lichtaryk, darožnuju hulniu, lasnuju šyšku, maź «Zoračka» jak srodak ad kamaroŭ, sałodkija «vitaminy» i recept na ich, kavałačak hliny dla lepki i pasłańnie ad aŭtara. Artefakty źviazanyja ź siužetam knihi. U «Dzieciach Alindarki» hałoŭnyja hieroi — dziaŭčynka i hliniany chłopčyk — sprabujuć na lasnych ściežkach adšukać samich siabie. Darečy, za raman «Dzieci Alindarki» piśmieńnik atrymaŭ zvańnie łaŭreata premii imia Ježy Hiedrojca ŭ 2015 hodzie.
«Hałoŭnaje, što robić prajekt MOVABOX, — jon dapamahaje sučasnaj biełaruskaj litaratury isnavać dla sapraŭdnaha, a nie ŭjaŭnaha čytača. Tolki tak napisanaje słova zastajecca žyvym: kali znachodziacca tyja, chto pračytaje i zrazumieje jaho. Ja ščyra ŭdziačny za mahčymaść udzielničać u hetym prajekcie i liču, što MOVABOX na samoj spravie zdolny dapamahčy sapraŭdnym «dzieciam Alindarki» znajści svaju ściežačku praź les», — adznačyŭ Alhierd Bacharevič.
U miežach prajekta MOVABOX pracuje i biełaruskamoŭny bukkrosinh. Padčas padviadzieńnia vynikaŭ pieršaha etapa skrynia dla bukkrosinha MOVABOX, ustalavanaja ŭ kaviarni «Utopija 60», papoŭniłasia ramanam Alhierda Bachareviča «Biełaja mucha, zabojca mužčyn» z aŭtohrafam aŭtara. Da kanca hoda kniha źjavicca i ŭ inšych kaviarniach, dzie ŭstalavanyja skryni dla bukkrosinha. Aznajomicca z poŭnym śpisam možna tut.
MOVABOX — heta vialiki interaktyŭny prajekt, jaki znajomić šyrokuju aŭdytoryju z sučasnymi biełaruskimi piśmieńnikami i ich tvorami. Kožny z čatyroch etapaŭ, ź jakich składajecca prajekt, znajomić čytačoŭ z toj ci inšaj knihaj adnaho z sučasnych biełaruskich aŭtaraŭ i, razam z tym, imkniecca abudzić bolšuju cikavaść da biełaruskaj litaratury ŭvohule.
velcom uziaŭsia za prasoŭvańnie sučasnaj biełaruskaj litaratury
Biełaruskamoŭny bukkrosinh zapracavaŭ u siami haradach Biełarusi KARTA
U 10 kaviarniach Minska źjavilisia palicy dla biełaruskamoŭnaha bukkrosinhu
