Ministr zamiežnych spraŭ Polščy Vitold Vaščykoŭski paćvierdziŭ skaračeńnie finansavańnia telekanała «Biełsat», paviedamlaje vydańnie bankier.pl.
Pa jaho słovach, pryčynaj skaračeńnia finansavańnia «Biełsata» stali pavieličeńnie vydatkaŭ na polskija konsulskija słužby i pavyšeńnie vydatkaŭ na padtrymku siryjskich biežancaŭ.
«Ja nie chaču, ale vymušany», — zajaviŭ Vaščykoŭski, kažučy pra skaračeńnie finansavańnia dla telekanała.
Jon padkreśliŭ, što polski ŭrad źjaŭlajecca nie ŭładalnikam «Biełsata», a tolki adnym z donaraŭ. «Biełsat» maje mahčymaść refarmavacca, šukać inšych donaraŭ», - skazaŭ Vaščykoŭski.
Pra toje, što MZS Polščy skaračaje na dźvie traciny finansavańnie «Biełsata» i ab mahčymym pieravodzie telekanała na ruskamoŭnaje viaščańnie paviedamiła 15 śniežnia polskamu vydańniu wPolityce.pl dyrektar «Biełsata» Ahnieška Ramašeŭska-Huzy.
Navina vyklikała šyroki hramadski rezanans u Biełarusi.