Kolkaść sastavaŭ u minskim mietro pavialičać z 29 pa 31 śniežnia. U pieradnavahodnija dni va ŭzmocnienym režymie budzie pracavać i naziemny transpart.
Praŭda, u suviazi z hulańniami kala Pałaca sportu z 22.00 31 śniežnia da 4.00 1 studzienia budzie zakryty ruch pa prajezdam pamiž vulicaj Niamiha i praśpiektam Pieramožcaŭ. U hety čas źmieniacca maršruty ruchu aŭtobusa №73 i maršrutki №1131-TK.
U samu navahodniuju noč naziemny transpart na asnoŭnych maršrutach budzie pracavać da 5-j ranicy, a mietro — da 4. Praŭda, na «Niamihu», «Kupałaŭskuju», «Kastryčnickuju» i «Frunzienskuju» pasažyraŭ buduć puskać da 4.15. Ź dzieviaci hadzin viečara da čatyroch ranicy intervał pamiž ciahnikami składzie 6 chvilin. 1 studzienia mietro pačnie pracavać u 5.30, naziemny transpart — u 6.00.
U suviazi z pamianšeńniem pasažyrapatoku ranicaj 1 studzienia ŭ Minsku admieniać niekatoryja maršruty. Poŭny śpis možna pahladzieć na sajcie DU «Staličny transpart i suviaź».
Stała viadoma, kali pačniecca hałoŭny navahodni fiejervierk u stalicy
