U navahodniuju noč u Minsku adbyŭsia incydent sa stralaninaj: u vyniku kanfliktu milicyjant ciažka paraniŭ žychara stalicy. Paviedamlajecca, što milicyjant u vyniku sutyčki atrymaŭ traŭmu hałavy i taksama znachodzicca na lačeńni.
Jak paviedamiŭ Jeŭraradyjo aficyjny pradstaŭnik Śledčaha kamiteta pa Minsku Siarhiej Kabakovič, padazravanaha, zhodna z sankcyjaj prakurora, ŭziali pad vartu.
Jon pa-raniejšamu znachodzicca ŭ reanimacyi, jaho stan stabilna ciažki. U Śledčym kamitecie taksama kažuć, što, pavodle papiarednich źviestak, u kryvi Andreja H. paśla ranieńnia było vyjaŭlena kala 2 pramile ałkaholu. Bolš dakładnyja vyniki stanuć viadomyja paśla zaviaršeńnia ekśpiertyzy.
Zhodna ź miedycynskimi normami, uzrovień ałkaholu ŭ kryvi, roŭny 2 pramile, ličycca apjanieńniem siaredniaj stupieni ciažkaści. Dla mužčyny vahoj kala 80 kiłahramaŭ jon adpaviadaje prykładna 450 hramam ałkaholu z 40% utrymańniem śpirtu. Siabry Andreja H., jakija adznačali Novy hod razam ź im, raskazvali Jeŭraradyjo, što ich kampanija z 8 čałaviek ahułam u tuju noč vypiła kala 5-6 butelek harełki.
