Pieršamajski sud Minska aštrafavaŭ Źmitra Daškieviča na 1150 rubloŭ (amal 600 dołaraŭ). Jaho pryznali vinavatym u niepadparadkavańni zakonnym patrabavańniam supracoŭnika milicyi.
Jak paviedamiŭ u svaim akaŭncie na Fejsbuku sam Daškievič, jaho zatrymali 31 śniežnia ŭ 23.30 kala doma. U navahodniuju noč Daškievič z paplečnikami mierkavaŭ pravieści akcyju ŭ centry Minsku — sustreć śviata z nacyjanalnymi bieł-čyrvona-biełymi ściahami.
U sudzie, jaki prajšoŭ u adsutnaść Daškieviča, suprać jaho śviedčyli milicyjanty Maksimaŭ i Panasienka. Jany zajavili, što jon admaŭlaŭsia prajści dla raźbiralnictva ŭ Pieršamajskaje RUUS Minska — «upiraŭsia nahami, siadaŭ na ziamlu».
Daškievič nazyvaje pratakoł iłžyvym i jak dokaz vykłaŭ videa, jakoje źniaŭ padčas zatrymańnia, paviedamlaje Jeŭraradyjo.