Estonski internet-prajekt Propastop apublikavaŭ śpis ŚMI i partałaŭ, jakija, na dumku siabroŭ hetaha dobraachvotnickaha ruchu, ujaŭlajuć pahrozu biaśpiecy dziaržavy.
U hetym pieraliku akazalisia «Łajf», «Lenta», RT, «Rehnum», «Pieršy kanał», «NTV», «Sputnik» i inšyja — usiaho 28 ŚMI. Składalniki padkreślili, što śpis daloka nie poŭny: u jaho nie ŭklučanyja jašče sotni internet-staronak i błohaŭ, jakija viaduć antyestonskuju prapahandu.
Składalniki śpisu zaklikali estonski biznes nie zaklučać z nazvanymi ŭ im resursami rekłamnyja kantrakty, kab hrošy nie išli na dziejnaść, jakuju nie ŭchvalajuć ułady krainy.
Administravańniem sajta Propastop zajmajucca siabry vajenizavanaha dobraachvotnaha apałčeńnia «Kajtsieliit» («Sajuz abarony»), jakoje ŭvachodzić u strukturu ministerstva abarony Estonii.